Mu mwezi wa February 2018, maji ghakatutuka pa chigaŵa chapakati cha United States, chifukwa cha chivula chikuru icho chikawa kweniso chiwuvi icho chikasungunukanga. Ŵabali na ŵadumbu ŵithu mu vigaŵa vya Illinois, Indiana, Kentucky, Michigan, Ohio, na Tennessee nawo ŵakakhwaskika na kututuka kwa maji uku.

Ofesi ya Munthavi ya United States yayowoya kuti ŵapharazgi 20 ŵa mu vigaŵa 8 ŵasamuka mu nyumba zawo chifukwa cha soka ili. Ndipo chachitima ntchakuti, mdumbu munyake wa ku Indiana wali kufwa pa ngozi iyi. Nyumba za ŵabali ŵithu zakukwana 57 zili kunangika.

Ŵalaŵiliri ŵa dera mu vigaŵa ivi ŵakuyezgayezga kupembuzga ŵapharazgi wose awo ŵali kukhwaskika na soka ili. Ndipo nase tikulutizga kulombera ŵabali na ŵadumbu ŵithu, pakumanya kuti Yehova walutilirenge kuŵapwelelera.—1 Petrosi 5:7.

Mungayowoya na:

David A. Semonian, Office of Public Information, +1-845-524-3000