Chindindindi chankhongono chikachitika kumwera cha kumafumiro gha dazi kwa Turkey pa Monday, February 6, 2023. Pamanyuma, kukachitikaso chindindindi chinyake chankhongono ku chigaŵa chakuyana waka. Nakuti tuvindindindi tunyake tukachitikanga ku chigaŵa chenechichi. Ŵanthu ŵakujumpha 21,000 ŵali kufwa ndipo ŵakujumpha 74,000 ŵali kupwetekeka.

Umo Ŵabali na Ŵadumbu Ŵithu Ŵakhwaskikira ku Turkey

• Chachitima ntchakuti mudumbu withu yumoza muchekuru mu tawuni ya Adana wali kufwa. Mubali na muwoli wake na mwana kweniso wachibali wawo ŵali kuwundilika mu tawuni ya Adiyaman

• Nyumba zitatu za ŵabali zili kuwa

• Nyumba 17 zili kunangika chomene

• Nyumba 22 zili kunangika pachoko waka

• Nyumba ya Ufumu yimoza yili kunangika chomene

• Nyumba ya Ufumu yimoza yili kunangika pachoko waka

Ntchito Yakupeleka Wovwiri

• Ŵabali ŵakwenelera ŵakupeleka wovwiri wauzimu ku awo ŵakhwaskika na chindindindi

• Makomiti ghaŵiri Ghakovwira Para Kwachitika Soka ghali kupangika kuti ghadangilire pa mulimo wakupeleka wovwiri uwu

Nangauli kwachitika suzgo likuru la chindindindi, kweni ŵabali na ŵadumbu ŵithu ŵakupembuzgika pakumanya kuti Yehova “ntchiphokwero chithu na nkhongono zithu, movwiri wakugomezgeka mu nyengo ya suzgo.”—Salimo 46:1.