Pa April 25, 2024, Khoti la Pozharskiy ilo lili ku Chigaŵa cha Primorye likadumura kuti Mubali Anton Virich wali na mulandu ndipo wakapika chilango cha kugwira jele kwa vyaka 6 na myezi yiŵiri. Iyo wakhala ku jele lakulindilirako kwambira pa July 11, 2023, ndipo walutilirenge kukhala mu jele.

Tikukhozgeka kumanya kuti tikulongora kuti tikutemwa Yehova para tikuzizipizga masuzgo ndipo vikutovwira kuti tiŵe ŵakuzomerezgeka kwa iyo kweniso kutumbikika.—Yakobe 1:12.

1. February 11, 2021

   Ŵakamujulira mulandu

2. November 9, 2021

   Ŵakamupa mulandu kwambura mweneko kumanya ndipo wakakanizgika kwenda kuluta ku vigaŵa vinyake

3. July 11, 2023

   Apo wakendeskanga galimoto yake mu tawuni ya Uzhur, ŵapolisi ŵakamwimiska na kumukaka ndipo ŵakamuphalira kuti njumoza wa awo ŵakupenjeka na ŵapolisi. Ŵakamujalira mu jele lakulindilirako kwa mazuŵa ghachoko waka

4. July 15, 2023

   Ŵakamusamuskira ku jele lakulindilirako awo milandu yawo yinderuzgike la Luchegorsk pa ndege, uwo ni mtunda wakujumpha makilomita 4,700

5. November 7, 2023

   Khoti likamba kutegherezga mulandu wake

6. April 25, 2024

   Ŵakadumura kuti wali na mulandu ndipo wakapika chilango cha kugwira jele kwa vyaka 6 na myezi yiŵiri