Pa April 20, 2023, ŵalaraŵalara ŵa boma la Russia ŵakamujulira mulandu unyake Mubali Dmitriy Terebilov, uyo wakhala mu jele kwambira mu September 2021 chifukwa cha chipulikano chake. Kufuma apo Khoti Likuru Chomene likakanizgira milimo yithu mu 2017 ku Russia, aka nkhakwamba kuti munthu uyo ŵali kumujalira kale mu jele ŵamujulireso mulandu unyake chifukwa cha kudumbiskana vya mu Baibolo na mukayidi munyake. Usange Dmitriy ŵangamusanga na mulandu ndikuti wangakhala m’paka vyaka 8 mu jele para tingasazgapo vyaka vitatu ivyo ŵali kumupa pa mulandu uwo wakugwilirapo jele.

Apo boma la Russia likulutilira kutambuzga ŵabali na ŵadumbu withu, tili na chigomezgo chose kuti Yehova walutilirenge kupeleka “nkhongono zakuluska zakawiro” ku ŵabali na ŵadumbu ŵithu aŵa.—2 Ŵakorinte 4:7.