Pa November 9, 2024, Mubali Jeffrey Winder, wa mu Wupu Wakulongozga, wakafumiska Baibolo lakunozgekaso la Malemba Ghakupatulika mu Mang’anamuliro gha Charu Chiphya mu Chikirghiz. Baibolo ili likafumiskika pa ungano wapadera uwo ukachitikira ku ofesi ya munthavi ya ku Kyrgyzstan. Ŵanthu ŵakukwana 147 ŵakategherezga ungano uwu maso na maso, ndipo ŵanyake ŵakukwana 3,044 ŵakategherezga kwizira pa videoconference. Baibolo la pa intaneti kweniso mabuku gha Uthenga Uwemi na mabuku ghanyake ghanandi gha mu Baibolo ghakuchita kutegherezga ghakamba kusangika nyengo yeneyiyo kuti ŵanthu ŵachite dawunilodi pa jw.org na pa JW Library app. Baibolo lakuchita kupulinta lizamwamba kusangika mu 2025.

Ŵakaboni ŵa Yehova ŵakamba kung’anamura mabuku ghakulongosora Baibolo mu Chikirghiz pafupifupi vyaka 30 ivyo vyajumpha. Pasono ku Kyrgyzstan kuli ŵanthu pafupifupi 5 miliyoni awo ŵakuyowoya Chikirghiz, kusazgaposo na ŵabali na ŵadumbu ŵakujumpha 2,800 awo ŵakuteŵetera mu mipingo 43 na tumagulu.