Lutani apo pali nkhani

Lutani pa menyu yachiŵiri

Ŵakaboni ŵa Yehova

Chitumbuka

APRIL 7, 2017
RUSSIA

Mulandu Wakukhumba Kukanizga Ŵakaboni ŵa Yehova Ukulutilira pa Zuŵa Lachitatu

Mulandu Wakukhumba Kukanizga Ŵakaboni ŵa Yehova Ukulutilira pa Zuŵa Lachitatu

Khoti Likuru Chomene la Russian Federation Supreme Court likulutilizga mulandu wa Ŵakaboni ŵa Yehova. Muhanya uno ni zuŵa lachitatu kufuma apo khoti ili likambira kutegherezga mulandu wakukhumba kukanizga Ŵakaboni ŵa Yehova mu Russia. Ŵakaboni ŵa Yehova ŵangususka ivyo Unduna wa vya Malango ukuŵayowoyera.

Sergey Cherepanov wangususka ivyo Unduna uwu ukuyowoya kuti ofesi ya Ŵakaboni ŵa Yehova yikuchita vinthu mwakutalulira. Nangauli Unduna uwu ukuti ofesi ya Ŵakaboni ŵa Yehova yikuswa malango, kweni ukulongosora yayi umo ofesi iyi yikuswera malango kweniso umo yingalekera. Munyake uyo wakwimira ofesi ya Ŵakaboni ŵa Yehova, Vasiliy Kalin, wangulongosora kuti ofesi iyi yagwira ntchito kwa vyaka 26. Pamanyuma wangufumba kuti: “Pa vyaka vyose ivi, ni mpha apo tikachita vinthu mwakutalulira?” Iyo wangulongosoraso kuti Ŵakaboni ŵa Yehova ŵandasinthe, nyengo zose ŵakupulikira ŵalara ŵa boma na kulondezga malango agho ghakovwira kuti ŵanthu ŵakhalenge mwamtende. Kalin wanguti wakufipa mtima na ivyo boma likuchita chifukwa vikulongora kuti lambapo kale kutambuzga Ŵakaboni ŵa Yehova.

Jaji wazamulutirizga mulandu uwu pa April 12, 2017, nyengo ya 10:00 a.m.