Lutani apo pali nkhani

Lutani pa menyu yachiŵiri

Ŵakaboni ŵa Yehova

Chitumbuka

JANUARY 31, 2017
THAILAND

Boma la Thailand Likusambizga Ŵanthu na Mabuku gha Ŵakaboni ŵa Yehova

Boma la Thailand Likusambizga Ŵanthu na Mabuku gha Ŵakaboni ŵa Yehova

BANGKOK—Boma la Thailand likusambizga ŵanthu ŵake na mabuku gha Ŵakaboni ŵa Yehova umo ŵangalelera makora ŵana ŵawo, umo ŵangagegera kuchitirana nkhaza, kweniso umo ŵangaŵira na umoyo uwemi. Kufika mwezi uno, boma la Thailand lakwaniska vyaka vitatu kufuma apo likamba kugwiliskira ntchito mabuku gha Ŵakaboni ŵa Yehova pakusambizga ŵanthu.

Boma la Thailand lili kukhazikiska malo ghakusambizgirapo ŵanthu ghakujumpha 8,700. Malo agha ghakuchemeka Community Development Learning Centers (CDLC). Kweniso lili kukhazikiska malo ghanyake 11 ghakuti lisambizgirengeko ŵalongozgi ŵa mu vikaya. Chaiwat Saengsri, uyo wimilira pakati pa chithuzi, ni bwana wa CDLC mu chigaŵa cha Nakhon Nayok. Chigaŵa ichi chili kumpoto cha kumafumiro gha dazi kwa Bangkok. Chaiwat wakati: “Ŵakaboni ŵa Yehova ŵakunikondweska chomene chifukwa cha ntchito yawo yiwemi. Ntchito yawo njakovwira ŵanthu kuti ŵamanye Mlengi. Nase ndivyo tikukhumba kuti tovwire ŵanthu kuŵa na nkharo yiwemi kuti ŵakhalenge mwa mtende kweniso na umoyo uwemi. Mwachiyelezgero, nkhani ya mutu wakuti ‘Kodi Mungapewe Bwanji Kulankhula Mawu Achipongwe?’ mu magazini ya Galamukani! yili na fundo izo Unduna wa Chitukuko na Chivikiliro ukusambizga ŵalongozgi ŵithu ŵa mu chikaya. Tikawona kuti nkhani iyi njakovwira chomene kusambizgira ŵanthu.” Pamanyuma, Chaiwat wakapempha mabuku ku Ŵakaboni ŵa Yehova kuti ŵakaghagwiliskire ntchito pa seminare ya SMART Leader. Pa seminare iyi pakaŵa ŵalongozgi 100 ŵa mu vikaya na ŵasambizgi ŵawo 20. Ŵanthu aŵa ŵakafuma mu vigaŵa 28 ndipo ŵakasambiranga umo ŵangaŵira ŵalongozgi ŵawemi kweniso umo ŵangasambizgira ŵanthu mu vikaya. Ŵakaboni ŵa Yehova ŵimilira pamoza na Chaiwat pa chithuzi.

Anthony Petratyotin, muyowoyeri wa Ŵakaboni ŵa Yehova ku Thailand, wakati: “Ndise ŵakukondwa chomene kumanya kuti ŵalongozgi ŵakugwiliskira ntchito mabuku ghithu ghakulongosora Baibolo kusambizgira ŵanthu mu vikaya vyawo. Tilutilirenge kuŵapharazgira na kuŵapa mabuku ghithu.”

Mungayowoya na:

International: David A. Semonian, Ofesi ya Chimanyisko, +1-845-524-3000

Thailand: Anthony Petratyotin, +66-2-375-2200