Lutani apo pali nkhani

Lutani pa menyu yachiŵiri

Ŵakaboni ŵa Yehova

Chitumbuka

APRIL 5, 2017
RUSSIA

Khoti Likuru ku Russia Lamba Kuzenga Mulandu Ukuru wa Ŵakaboni ŵa Yehova

Khoti Likuru ku Russia Lamba Kuzenga Mulandu Ukuru wa Ŵakaboni ŵa Yehova

NEW YORK—Muhanya uno, Khoti Likuru Chomene ku Russia lamba mulandu uwo Unduna wa vya Malango ukamangara kuti ukukhumba kujara ofesi ya Ŵakaboni ŵa Yehova mu charu ichi. Khoti ili layimika dankha mulandu uwu ndipo lilutirizgenge pa Chinayi, April 6, 2017, nyengo ya 2:00 p.m.

Pa March 30, 2017, Ŵakaboni ŵa Yehova ŵakadandawura ku khoti pa ivyo Unduna wa vya Malango ukuyowoya. Kweni mwahuno, pambere khoti lindayimike mulandu uwu, langukana dandawuro la Ŵakaboni ŵa Yehova. Khoti langukanaso kuti ŵanthu ŵafumbe Unduna uwu kuti upeleke vifukwa vyakupulikikwa vyakuzengera mulandu Ŵakaboni ŵa Yehova. Kweniso langukana kuti ŵanthu ŵalongosore kuti Unduna uwu wuli na vifukwa vyautesi vyakumazgira mawupu agho Ŵakaboni ŵa Yehova ŵakugwiliskira ntchito.

Pakuti mulandu uwu ngukuru, uli palipose mu vyaru vyakupambanapambana. Nkhani ya mulandu uwu yikusangika mu magazini ya Time iyo yikaŵikika pa Intaneti pa April 4 (“Russian Supreme Court Considers Outlawing Jehovah’s Witness Worship”) kweniso yili pa peji lakwamba mu magazini ya The New York Times (“Pacifist, Christian and Threatened by Russian Ban as ‘Extremist’”) ya pa April 5.

David A. Semonian, uyo wakwimira likuru la Ŵakaboni ŵa Yehova pa charu chose ku New York wayowoya kuti: “Tikugomezga kuti Khoti Likuru Chomene ku Russia lipelekenge wanangwa wa kusopa mwamtende ku ŵanyithu mu charu ichi. Ŵanthu mamiliyoni ghanadi makutu ghali muchanya kuti ŵapulike ivyo khoti ili lichitenge na mulandu uwu kweniso usange boma la Russia livikilirenge Ŵakaboni ŵa Yehova awo mbanthu ŵakupulikira malango gha charu.”

Mungayowoya na:

International: David A. Semonian, Ofesi ya Chimanyisko, +1-845-524-3000

Russia: Yaroslav Sivulskiy, +7-812-702-2691