NEW YORK—Kwa mazuŵa 6 mu sabata ziŵiri izo zajumpha, Khoti Likuru ku Russia lapulikizganga mulandu uwo Unduna wa vya Malango ukamangalira Ŵakaboni ŵa Yehova. Mwahuno, Khoti ili lakolerana na ivyo Unduna wa vya Malango ukayowoya ndipo ladumura kuti ofesi ya Ŵakaboni ŵa Yehova kweniso mawupu ghawo 395 mu charu cha Russia ghajalike, kwamba pa zuŵa lakudumulira mulandu.

Yaroslav Sivulskiy, muyowoyeri wa Ŵakaboni ŵa Yehova ku Russia, wati: “Tadandawura chomene na ivyo khoti ladumura ndipo tikufipa mtima chifukwa ivi vititimbanizgenge kusopa. Tichitenge apilu ivyo khoti ladumura, ndipo tikugomezga kuti sonosono apa tambengeso kusopa mwakufwatuka.”

Ŵakaboni ŵa Yehova ku Russia ŵapika mazuŵa 30 kuti ŵachite apilu mwakuti majaji ghatatu ghawuwoneso mulandu uwu.

Mngayowoya na:

International: David A. Semonian, Ofesi ya Chimanyisko, +1-845-524-3000

Russia: Yaroslav Sivulskiy, +7-911-087-8009