Lutani apo pali nkhani

Lutani pa menyu yachiŵiri

Ŵakaboni ŵa Yehova

Chitumbuka

JANUARY 23, 2017
ITALY

Ngozi Yikuru ku Italy

Ngozi Yikuru ku Italy

Pa Chitatu, January 18, 2017, ku Abruzzo, Italy, kukachitika ngozi yikuru. Chiwuvi chikuru chikabizga hotelo yinyake ndipo mukaŵa ŵanthu 30. Ku chigaŵa ichi ndiko kukachitikaso chindindindi chikuru mu August, chaka chamara. Ngozi iyi yikachitika pamanyuma pa vindindindi vyankhongono vinayi ivyo vikachitika mu chigaŵa ichi pa zuŵa limoza. Vindindindi ivi vikaŵa vyankhongono chomene. (Kujumpha pa 5.0 pa Rickter Scale) Chiwuvi chikuru icho chindachitikepo nakale chikawa kujumpha sabata yimoza ndipo chikapangiska kuti vinthu visuzge chomene pakovwira ŵanthu mu chigaŵa ichi. Kweniso magesi ghakazimwa mu matawuni ghanandi ndipo chikaŵa chakusuzga kuti ŵanthu ŵende kufuma mu tawuni yinyake kuluta mu yinyake.

Ofesi ya Ŵakaboni ŵa Yehova ku Italy yikati, nangauli palije Kaboni wa Yehova uyo wafwa panji kupwetekeka chomene pa ngozi iyi, kweni ŵakuyezgayezga kovwira mabanja gha Ŵakaboni ŵa Yehova mu chigaŵa ichi awo ŵasuzgika na vindindindi kweniso chiwuvi chikuru. Ŵalara ŵa mpingo wa Ŵakaboni ŵa Yehova mu chigaŵa ichi ŵakulutilira kupeleka chakurya, maji, nkhuni na vinthu vinyake ku mabanja agho ghasangana na suzgo ili. Ofesi yawo nayo yikulutilira kuwona umo vinthu viliri mu chigaŵa ichi na kupeleka wovwiri usange mphakwenelera.

Mungayowoya na:

International: David A. Semonian, Ofesi ya Chimanyisko, +1-845-524-3000

Italy: Christian Di Blasio, +39-06-872941