Vya screen reader

Sankhani chiyowoyero

Lutani pa menyu yachiŵiri

Lutani apo pali nkhani

Ŵakaboni ŵa Yehova

Chitumbuka

MAY 4, 2016
NKHANI ZA PA CHARU CHOSE

Ungano wa 2016 wa Ŵakaboni ŵa Yehova Wajintha Chomene pa Kugomezgeka

Ungano wa 2016 wa Ŵakaboni ŵa Yehova Wajintha Chomene pa Kugomezgeka

NEW YORK—Ŵakaboni ŵa Yehova ŵakuchema ŵanthu wose kuti ŵize ku ungano wawo wa Chigaŵa wa 2016 wa mutu wakuti “Lutilirani Kugomezgeka kwa Yehova.” Kwambira pa Chinkhondi, May 20, Ŵakaboni ŵa Yehova ku United States kweniso pa charu chose ŵambenge kuchita ungano uwu ndipo ŵakulipiliska yayi.

Ungano uwu ngwa mazuŵa ghatatu. Pazamuyowoyeka nkhani zakufuma mu Baibolo zakukwana 49 ndipo yiliyose mwa nkhani izi yajintha pa mutu ukuru wa “Kugomezgeka.” Pa ungano uwu, Ŵakaboni ŵa Yehova ŵazamuwoneskaso mavidiyo 35 kweniso mafilimu ghaŵiri agho ŵazamuwoneska pa Chisulo na pa Sabata. Zuŵa lililose mulenji kweniso muhanya, pazamuŵanga mavidiyo gha sumu.

Nga umo ŵakuchitira vyaka vyose, Ŵakaboni ŵa Yehova ŵazamupeleka tumapepara twakuchemera ŵanthu ku ungano uwu. Madeti na malo uko kuzamuchitikira ungano uwu, mungavisanga pa Webusayiti yakuzomerezgeka ya Ŵakaboni ŵa Yehova ya jw.org. Ŵamutora makani ŵangafumba ofesi ya Ŵakaboni ŵa Yehova ya kufupi nawo kuti ŵamanye vinandi. Ŵazamuphalirika uyo ŵangayowoya nayo usange ŵakukhumba kujambura ungano.

David A. Semonian, muyowoyeri wa Ŵakaboni ŵa Yehova pa ofesi yawo yikuru ku Brooklyn, New York, wakati: “Tikumanya kuti ubwezi ukukhora chomene para ŵanthu mbakugomezgeka. Ungano withu wa chaka chino uli na fundo izo zovwirenge chomene ŵanthu kulutilira kuŵa paubwezi wakukhora na ŵanyawo, ŵabali ŵawo, ndipo chakuzirwa chomene, kukhozga ubwezi wawo na Chiuta. Tikugomezga kuti wose awo ŵizenge ku ungano uwu, ŵazamukondwa chomene.”

Mungayowoya na:

David A. Semonian, Ofesi ya Chimanyisko, tel. +1 718 560 5000