Mafumbo Agho Baibolo Likuzgora
Kasi mungachita wuli kuti muŵe mupapi muwemi?
Kasi mukuŵasambizga ŵana kutemwa Chiuta?
Mwana wakukura makora para ŵapapi ŵakutemwana na kuchindikana. (Ŵakolose 3:14, 19) Yehova Chiuta wakamuwonga Mwana wake, Yesu. Ŵapapi nawo ŵakwenera kutemwa ŵana na kuŵawonga.—Ŵazgani Mateyu 3:17.
Yehova wakutegherezga para tikumuphalira vyakusingo. Ŵapapi nawo ŵakwenera kutegherezga para ŵana ŵakuyowoya. (Yakobe 1:19) Para ŵana ŵakudandawura ŵapapi ŵakwenera kuŵapulikiska.—Ŵazgani Maŵazgo 11:11, 15.
Kasi mungachita wuli kuti mulere makora ŵana?
Chiuta wakupeleka malango ku ŵanthu. Ŵapapi nawo ŵakwenera kupeleka malango ku ŵana. (Ŵaefeso 6:1) Yehova wakuyowoyerathu ivyo vingachitika para takana kupulikira. (Genesis 3:3) Iyo wakutichichizga yayi, kweni wakutisambizga uwemi wakupulikira.—Ŵazgani Yesaya 48:18, 19.
Sambizgani ŵana kutemwa Chiuta. Ivi viŵawovwirenge kuti ŵalutilire kuŵa ŵakugomezgeka nanga ni para ŵali kwaŵekha. Yezgani Chiuta pakusambizga ŵana. Ivyo mukusambizga, ndivyo namwe muchitenge.—Ŵazgani Duteronome 6:5-7; Ŵaefeso 4:32; 5:1.
Panji Mungatemwa Kuŵerengaso Nkhani Izi
NTHENGWA NA BANJA
Ivyo Vingamovwirani Kuti Muŵe Dada Muwemi
Ivyo mukuchita pasono vikuvumbura waka mtundu wa dada uyo muzamuŵa para mwana winu wababika.
MUNGAŴA ŴAKUKONDWA MU MBUMBA YINU
Umo Mungasambizgira Mwana Winu
Cilango cikung’anamura kupeleka malango panji kupanisa pera yayi.
