UMOYO WACHIKHRITU
Kasi Chitemwa Chanadi Chikuŵa Wuli?
Yehova ndiyo wakambiska nthengwa ndipo wakukhumba kuti para mwanalume na mwanakazi ŵatorana, nthengwa yingamaranga yayi. (Ge 2:22-24) Munthu wangasankha kuti nthengwa yimare pekha para munyake wachita uzaghali. (Mal 2:16; Mt 19:9) Pakuti Yehova wakukhumba kuti nthengwa yiŵenge yakukondwa, wali kupeleka fundo izo zingawovwira Mkhristu kusankha makora wakutorana nayo kuti ŵazakaŵe na nthengwa yakukondwa.—Mu 5:4-6.
PAKUTI MULI KUWONELERA KALE VIDIYO YAKUTI KASI CHITEMWA CHANADI CHIKUŴA WULI?, SONO ZGORANI MAFUMBO AGHA:
-
Chifukwa wuli ulongozgi uwo Frank na Bonnie ŵakapeleka kwa mwana wawo Liz ukaŵa wachitemwa na wavinjeru?
-
Chifukwa wuli ni mahara yayi kughanaghana kuti para mwatorana na wakuwaro mungazakamusintha?
-
Kasi ni ulongozgi wuli wakovwira uwo Paul na Priscilla ŵakamupa Liz?
-
Chifukwa wuli masuzgo ghakakatanga yayi mu nthengwa ya Zaki na Megan?
-
Kasi John na Liz ŵakaŵa na vilato wuli vyauzimu?
-
Chifukwa wuli mukwenera kumanya makora “munthu wakubisika wa mu mtima” wa munyinu pambere mundatorane? (1Pe 3:4)
-
Kasi chitemwa chanadi chikuŵa wuli? (1Ko 13:4-8)
Panji Mungatemwa Kuŵerengaso Nkhani Izi
ŴACHINYAMATA
Mafumbo Agho Ŵachinyamata Ŵakufumba—Chigaŵa 1
Moŵa na minkhwala, uzaghali, kusongana na chibwezi ni zinyake mwa nkhani izo mungasanga mazgoro ghake.
ŴACHINYAMATA
Mafumbo Agho Ŵachinyamata Ŵakufumba—Chigaŵa 2
Nkhani zinyake izo zili mu buku ili ni zakukhwaskana na vya Sukulu, vyakusanguluska, ŵabwezi, ŵapapi, kusintha kwa umoyo, umo mukujipulikira, na vya ŵanthu awo mbanalume panji ŵanakazi ŵanyinu yayi.
