Zintharika 19:1-29
19 Ntchiwemi kuŵa mukavu na kwenda mu kunyoloka+Kuluska kuŵa muzeleza na kuyowoya mautesi.+
2 Munthu wambura kumanya vinthu ni muwemi yayi,+Ndipo uyo wakuchita vinthu mwakuchimbilira* wakwananga.
3 Uchindere wa munthu ndiwo ukubendezga nthowa yake,Ndipo mtima wake ukukwiyira Yehova.
4 Usambazi ukuguza ŵabwezi ŵanandi,Kweni munthu mukavu wakugwentheka na mubwezi wake wuwo.+
5 Kaboni mutesi walekenge yayi kulangika,+Ndipo uyo wakutemwa kuteta utesi waponenge chara.+
6 Ŵanthu ŵanandi ŵakukhumba kutemweka na munthu wakuchindikika,*Ndipo waliyose ni mubwezi kwa munthu uyo wakupeleka vyawanangwa.
7 Ŵabali wose ŵa munthu mukavu ŵakumutinkha.+Asi ŵabwezi ŵake ndiwo ŵakumusida chomene!+
Wakuŵalondezga na kuŵapempha, kweni palije wakuzgora.
8 Uyo wakusanga mahara* wakutemwa umoyo wake.+
Uyo wakusungilira umanyi vinthu vimwenderenge.*+
9 Kaboni mutesi walekenge yayi kulangika,Ndipo uyo wakutemwa kuteta utesi waparanyikenge.+
10 Ntchambura kwenelera kuti chindere chikhalenge mwakuzaya,Ipo ntchambura kwenelera chomene kuti muteŵeti wawuse ŵakaronga!+
11 Munthu wamahara wakuwezgako ukali wake,+Ndipo mbutozi kwa iyo kusulako* maubudi.+
12 Ukali wa themba uli nga nkhubangura kwa nkhalamu,+Kweni lusungu lwake luli nga ni jumi pa vyakumera.
13 Mwana muzeleza wakuchemera soka pa awiske,+Ndipo mwanakazi wambembe* wali nga ni mtenje uwo ukuleka yayi kusulura.+
14 Nyumba na usambazi ntchiharo chakufuma ku ŵadada,Kweni muwoli wavinjeru wakufuma kwa Yehova.+
15 Ukata ukugoneka munthu tulo twakufwa nato,Ndipo munthu mukata wafwenge na njara.+
16 Uyo wakusungilira dango wakusunga umoyo wake.+Uyo wakupwelelera chara mendero ghake wafwenge.+
17 Uyo wakulongora lusungu kwa mukavu wakubwerekeska Yehova,+Ndipo wamuwezgerenge* pa ivyo wachita.+
18 Langa mwana wako apo chigomezgo chichalipo,+Ndipo uleke kuŵa na mulandu wa* nyifwa yake.+
19 Munthu wakaŵefu walipenge mulandu.Usange ukuyezga kumuthaska, ndikuti umuthaskenge mwakuwerezgawerezga.+
20 Pulikira ulongozgi na kupokera chisambizgo,+Mwakuti uzakaŵe wavinjeru munthazi.+
21 Mu mtima wa munthu muli maghanoghano ghanandi,Kweni fundo ya* Yehova ndiyo yiluskenge.+
22 Chinthu chakukhumbikwa mwa munthu ntchisungusungu chake.+Ndipo ntchiwemi kuŵa mukavu kuluska kuŵa mutesi.
23 Kumopa Yehova kukulongozgera ku umoyo,+Uyo wali nako wapumulenge phee, kwambura chiheni chilichose.+
24 Mukata wakubizga woko lake mu bakule,Kweni wakutondeka kuliwezgera ku mulomo wake.+
25 Umutimbe wakugoska+ kuti wakupusa wachenjere,+Chenya munthu wakupulikiska kuti wasazgireko kumanya vinthu.+
26 Uyo wakusuzga awiske na kuchimbizga anyinaNi mwana wakukhozga soni na wakulengeska.+
27 Mwana wane, usange ukuleka kupulikira chisambizgo,Upatukengeko ku mazgu ghamahara.
28 Kaboni wawakawaka wakuseka urunji,+Ndipo mulomo wa muheni ukumira viheni.+
29 Cheruzgo chasungikira ŵakugoska,+Ndipo maluswazu ghasungikira msana wa ŵazeleza.+
Mazgu Ghamusi
^ Mazgu gheneko, “wakuchimbilira na malundi ghake.”
^ Panji kuti, “munthu wakupa.”
^ Mazgu gheneko, “wasangenge viwemi.”
^ Mazgu gheneko, “wakusanga mtima.”
^ Mazgu gheneko, “kujumpha.”
^ Panji kuti, “wakusuzga.”
^ Panji kuti, “wamupenge njombe.”
^ Panji kuti, “khumbo la.” Mazgu gheneko, “kuwuskira umoyo wako ku.”
^ Panji kuti, “chilato cha.”
