Salimo 67:1-7
Kwa wakulongozga sumu. Yimbike na vyakwimbira vya vingwe. Salimo. Sumu.
67 Chiuta watilongorenge lusungu na kutitumbika.Waŵaliskenge chisko chake pa ise+ (Selah)
2 Kuti nthowa yinu yimanyikwe pa charu chose chapasi,+Chiponosko chinu ku mitundu yose.+
3 Ŵanthu ŵamulumbani, A Chiuta.Ŵanthu wose ŵalumbe imwe.
4 Mitundu yisekelere na kuchemerezga mwachimwemwe,+Pakuti mweruzgenge ŵanthu mwakunyoloka.+
Mulongozgenge mitundu ya ŵanthu pa charu chapasi. (Selah)
5 Ŵanthu ŵamulumbani, A Chiuta.Ŵanthu wose ŵalumbe imwe.
6 Charu chapasi chipambikenge vipasi vyake.+Chiuta, Chiuta withu, watitumbikenge.+
7 Chiuta watitumbikenge,Ndipo vigoti vyose vya charu chapasi vimopenge.*+
Mazgu Ghamusi
^ Panji kuti, “vimuchindikenge.”
