Vya screen reader

Sankhani chiyowoyero

Lutani pa menyu yachiŵiri

Lutani apo pali nkhani

Ŵakaboni ŵa Yehova

Chitumbuka

Kasi Chiuta Wali Na Zina?

Kasi Chiuta Wali Na Zina?

Ivyo Baibolo likuyowoya

Munthu waliyose wali na zina. Chiuta nayo wali na zina. Ŵanthu awo ŵali paubwezi ŵakuchemana mazina. Ŵabwezi ŵa Chiuta ŵakwenera kuzunura zina lake.

Chiuta wakuti: “Ine ndine Yehova; ili ndilo zina lane.” (Yesaya 42:8) Chiuta wali na mazina ghanandi gha vithokozo, nga ni ‘Chiuta Wankhongonozose,’ “Fumu Yikuru,” na “Mlengi.” Kweni wakukhumba kuti ŵanthu awo ŵakumusopa ŵazunurenge zina lake.—Genesis 17:1; Milimo 4:24; 1 Petrosi 4:19.

Mu Mabaibolo ghanandi zina la Chiuta likusangika pa Exodus 6:3. Baibolo likuti: ‘Nkhawoneka kwa Abraham, kwa Isaac, na kwa Jacob nga ndi Chiuta Wankhongonozose, kweni nkhamanyikwa chara kwa iwo na zina lane Yehova.

Mu Mabaibolo ghanandi zina lakuti Yehova lilimo. Ŵanthu ŵanyake ŵakulemba kuti “Yahweh,” kweni ŵanandi ŵakulemba kuti Yehova. Mabuku gha Genesis m’paka Malaki, ghakalembeka mu Chihebere. Pakuŵerenga Chihebere ŵakufuma kumalyero kuluta kumazere. Mu Chihebere zina la Chiuta likulembeka nthe יהוה. Zina ili lingalembekaso nthe YHWH.

 

Manyani Vinandi

Kasi Chiuta Wali na Zina?

Chiuta wali na mazina ghanandi gha udindo, iyo ni Chiuta Wankhongonozose, Mlengi na Fumu. Kweni zina la Chiuta likusangika m’malo ghakukwana 7,000 mu Baibolo.