Lutani apo pali nkhani

Lutani pa menyu yachiŵiri

Ŵakaboni ŵa Yehova

Chitumbuka

Chifukwa Wuli Yesu Ni Mwana wa Chiuta?

Chifukwa Wuli Yesu Ni Mwana wa Chiuta?

Ivyo Baibolo likuyowoya

Chiuta walije mwanakazi kuti wamubabire ŵana. Kweni ndiyo wali kulenga vyose. (Uvumbuzi 4:11) Lekani Adamu wakuchemeka ‘mwana wa Chiuta.’ (Luka 3:38) Baibolo likuti Yesu wakalengeka na Chiuta. Ntheura wakuchemeka ‘Mwana wa Chiuta.’—Yohane 1:49.

Chiuta wakayamba kulenga Yesu pambere wandalenge Adamu. Mpositole Paulosi wakati Yesu ‘ntchikozgo cha Chiuta wambura kuwoneka, wakwamba kubabika wa chilengiwa chose.’ (Ŵakolose 1:15) Yesu wakaŵako kale pambere wandababike mu chiŵaya cha ng’ombe ku Betelehemu. Baibolo likuti, Yesu “mafumiro ghake nga kale na kale, nga mazuŵa gha mwaka.” (Mika 5:2) Pambere Yesu wandize pa charu chapasi, wakaŵa mungelo kuchanya. Yesu wakati: ‘Nili kukhira kufuma kuchanya.’—Yohane 6:38; 8:23.