Lutani apo pali nkhani

Lutani pa menyu yachiŵiri

Ŵakaboni ŵa Yehova

Chitumbuka

Umo Halowini Yikambira—Kasi Baibolo Likuti Wuli?

Umo Halowini Yikambira—Kasi Baibolo Likuti Wuli?

Ivyo Baibolo likuyowoya

Baibolo likuyowoyapo yayi vya Halowini. Umo Halowini yikambira kweniso mitheto iyo ŵanthu ŵakuchita mazuŵa ghano vikulongora kuti ŵanthu ŵakuchita chikondwelero ichi chifukwa chakugomezga ŵanthu ŵakufwa, mizimu, na viŵanda.—Wonani mutu wakuti “ Umo Halowini Yikambira na Mitheto yake.”

Baibolo likutichenjezga kuti: “Pakati pinu pangasangikanga yayi munthu uyo . . . wakuluta ku ng’anga panji wakuloska, panji uyo wakufumba ku ŵakufwa.” (Dotoronome 18:10-12) Ŵanthu ŵanyake ŵakuwona kuti chikondwelero cha Halowini chikunozga chomene, kweni Baibolo likulongora kuti chikondwelero ichi ntchiwemi yayi. Pa 1 Ŵakorinte 10:20, 21, Baibolo likuti: “Nkhukhumba yayi kuti imwe muŵe ŵakugaŵana na viŵanda. Mungamwa yayi vya mu nkhombo ya Yehova na mu nkhombo ya viŵanda.”

 Umo Halowini Yikambira na Mitheto yake

  1. Samhain: Buku linyake likuyowoya kuti Halowini yili kufumira ku “chikondwelero cha Samhaim vyaka 2,000 ivyo vyakujumpha. Ŵaselote awo ŵakasopanga vikozgo ndiwo ŵakakondweleranga chiphikiro ichi. Iwo ŵakagomezganga kuti pa nyengo ya chikondwelero ichi, ŵakufwa ŵakachezganga na ŵanthu ŵa moyo.” (The World Book Encyclopedia) Kweni Baibolo likuyowoya makora kuti ŵakufwa “ŵakumanya kalikose chara.” (Mupharazgi 9:5) Uwu mbukaboni wakuti ŵakufwa ŵangayowoyeskana na ŵamoyo yayi.

  2. Vyakuvwara vya Halowini, maswiti, kofya ŵanthu: Buku la Halloween—An American Holiday, An American History, likuyowoya kuti Ŵaselote ŵakavwaranga vinthu vyakofya kumaso kuti nawo ŵawonekenge nga mizimu yiheni kuti mizimu yiheni yileke kuŵasuzga. Ŵanyake ŵakayipanga maswiti kuti ŵayikondweske. Kale, ŵalongozgi ŵa chisopa cha Katolika ku Europe ndiwo ŵakatolera mitheto ya kusopa ŵangoza, ndipo iwo ŵakaphaliranga ŵanthu ŵa chisopa chawo kuti ŵalutenge mu nyumba za ŵanthu kuti ŵakapempheskenge vyawanangwa uku ŵavwara vinthu vyakofya. Kweni Baibolo likuti tikwenera yayi kulondezga mitheto ya chisopa chautesi pakusopa Chiuta.—2 Ŵakorinte 6:17.

  3. Mizguka na Ufwiti: Ŵanthu ŵali kwamba ni kale kugomezga kuti mizguka na ŵafwiti ŵakukhala ku charu cha mizimu. (Halloween Trivia) Kweni Baibolo likuti tikwenera kukana chilichose chakukhwaskana na mizimu yiheni.—Ŵaefeso 6:12.

  4. Majungu gha Halowini: Buku linyake likuti kale ku Britain, “ŵanthu ŵa mapemphero ŵakendanga mu nyumba za ŵanthu na kupempha chakurya kuti ŵapemphelere ŵakufwa,” ndipo ŵakanyamuranga “vinthu vyakuŵa nga ni hanyezi (turnip) ndipo ŵakavijobanga na kuŵikamo kandulo wakubuska. Ŵakagomezganga kuti kandulo uyo ŵaŵika mukati wakimiranga mzimu wa munthu uwo wuli ku puligatoriyo.” (Halloween—From Pagan Ritual to Party Night) Ŵanyake ŵakagomezganga kuti makandulo ghakubuka agha ghakachimbizganga mizimu yiheni. M’ma 1800 ku North America, ŵakamba kugwiliskira ntchito majungu chifukwa ghakasangikanga ghanandi kweniso ghakaŵa ghapusu kujoba. Ŵanthu ŵakachitanga ivi chifukwa ŵakagomezganga kuti mzimu ukufwa yayi, ŵangapemphelera ŵakufwa, kweniso ŵakagomezganga kuti kuli puligatoriyo. Mitheto iyi nja mu Baibolo yayi.—Ezekiyeli 18:4.