Vya screen reader

Sankhani chiyowoyero

Lutani pa menyu yachiŵiri

Lutani apo pali nkhani

Ŵakaboni ŵa Yehova

Chitumbuka

Ntchivichi Chikuchitika Para Munthu Wafwa?

Ntchivichi Chikuchitika Para Munthu Wafwa?

Ivyo Baibolo likuyowoya

Baibolo likuti “ŵamoyo ŵakumanya kuti ŵafwenge, kweni ŵakufwa ŵakumanya kalikose chara.” (Mupharazgi 9:5; Salmo 146:4) Para munthu wafwa ndikuti ngwamoyo yayi. Munthu wakufwa wakughanaghana yayi, wangachita chilichose yayi kweniso wakupulika chilichose yayi.

“Uzamuwelera ku fuvu”

Adamu wakapulikira yayi ndipo Chiuta wakamuphalira kuti: “Ndiwe fuvu ndipo uzamuwelera ku fuvu.” (Genesis 3:19) Ivyo Chiuta wakaphalira Adamu pa lemba ili vikutovwira kumanya icho chikuchitika para munthu wafwa. Pambere Chiuta wandalenge Adamu “kufuma ku dongo la pasi,” Adamu kukaŵavya. (Genesis 2:7) Adamu wati wafwa, wakawelera ku fuvu ndipo wakaŵaso wamoyo yayi.

Ndimo vikuŵira para munthu wafwa. Ŵanthu na vinyama ŵali kufuma ku fuvu. Baibolo likuti: “Vyose vikufuma ku fuvu, ndipo vyose vikuwelera ku fuvu.” —Mupharazgi 3:19, 20.

Nyifwa mbumaliro wa vyose yayi

Baibolo likuti nyifwa na kugona tulo vikuyana waka. (Salmo 13:3; Yohane 11:11-14; Milimo 7:60) Munthu uyo wagona tulo twakufwa nato wakumanya chilichose yayi. Ndimo ŵakuŵira ŵakufwa. Baibolo likuti Chiuta wangawuska ŵakufwa na kuŵapa umoyo, nga ŵawuka waka mu tulo. (Job 14:13-15) Ku ŵanthu awo ŵazamuwuskika na Chiuta, nyifwa mbumaliro wa vyose yayi.

 

Manyani Vinandi

Kasi Awo Ŵali Kufwa mbwenu Kuli Kumara?

Kasi chikuchitika ntchivichi para munthu wafwa? Kasi awo ŵali kufwa ŵazamuŵaso ŵamoyo?

Kasi Ŵakufwa Ŵali Nkhu?

Sambirani ivyo Baibolo likuyowoya pa nkhani ya uko kuli ŵakufwa kweniso chifukwa icho ŵanthu ŵakufwira.