Vya screen reader

Sankhani chiyowoyero

Lutani pa menyu yachiŵiri

Lutani apo pali nkhani

Ŵakaboni ŵa Yehova

Chitumbuka

Kasi Ni Njani Wakalemba Baibolo?

Kasi Ni Njani Wakalemba Baibolo?

Ivyo Baibolo likuyowoya

Ŵanthu ŵanandi ŵakumanya yayi uyo wakalemba Baibolo. Kweni Baibolo likutiphalira. Mavesi ghanyake, ghakwamba na mazgu ghakuti, “mazgu gha Nehemiya,” “mboniwoni ya Yesaya,” “mazgu gha Yehova agho ghakiza kwa Joel.”—Nehemiya 1:1; Yesaya 1:1; Joel 1:1.

Ŵanandi awo ŵakalembako Baibolo, ŵakati Yehova, Chiuta yekha waunenesko, ndiyo wakaŵatuma. Mu Malemba Ghachihebere, mazgu ghakuti “ntheura wakuti Yehova,” ghakusangika mu malo ghakujumpha 300. (Amosi 1:3; Mika 2:3; Nahum 1:12) Ŵanyake awo ŵakalembako Baibolo, ŵakapokera uthenga wa Chiuta kwizira mu ŵangelo.—Zekariya 1:7, 9.

Baibolo likalembeka na ŵanthu 40, ndipo likatora vyaka 1,600. Ŵanyake ŵakalemba mabuku ghanandi. Mu Baibolo muli mabuku 66. Mabuku 39 ghakalembeka mu Chihebere, ŵanyake ŵakuti Phangano Lakale, mabuku 27 ghakalembeka mu Chigiriki, ŵanyake ŵakuti Phangano Liphya.

Manyani Vinandi

Kasi Baibolo Likutiphalira Unenesko?

Usange Baibolo ndakufuma kwa Chiuta, likwenera kupambana na mabuku ghanyake ghose.