Vya screen reader

Sankhani chiyowoyero

Lutani pa menyu yachiŵiri

Lutani apo pali nkhani

Ŵakaboni ŵa Yehova

Chitumbuka

Kasi Ufumu wa Chiuta Uzamuchita Vichi Kuti pa Charu Chapasi Paŵe Mtende?

Kasi Ufumu wa Chiuta Uzamuchita Vichi Kuti pa Charu Chapasi Paŵe Mtende?

Ivyo Baibolo likuyowoya

Maboma gha pa charu chapasi ghatondeka kwiza na mtende. Kweni Ufumu wa Chiuta, uwo Themba lake ni Yesu Khristu, uzamwiza na mtende pa charu chose chapasi. Wonani ivyo Baibolo likuyowoya.

  1. Chiuta wazamulekeska nkhondo pa charu chose chapasi. Wazamufiska layizgo lake lakuti ‘pa charu chapasi paŵe mtende pakati pa ŵanthu awo wakukondwa nawo.’—Salmo 46:9; Luka 2:14.

  2. Ufumu wa Chiuta uzamulamulira charu chapasi uku uli kuchanya. (Daniel 7:14) Sankho ilo likwambiska nkhondo zinandi, lizamumara.

  3. Baibolo likuti Yesu ni ‘Karonga wa Mtende,’ ntheura pa charu chapasi pazamuŵa mtende kwamuyirayira.Yesaya 9:6, 7.

  4. Ŵanthu awo ŵakutemwa nkhondo ŵazamuŵako yayi, chifukwa Chiuta wakutinkha waliyose uyo wakutemwa nkhaza.Salmo 11:5; Zintharika 2:22.

  5. Chiuta wakusambizga ŵanthu ŵake umo ŵangaŵira ŵamtende. Baibolo likulongosora ivyo vikuchitika chifukwa cha masambiro agha. Likuti: ‘Tiŵafure malupanga ghawo ghazgoke vyakulimira, na mikondo yawo kuyizgora vimphopo; fuko la ŵanthu ntha tiliwuskire linyake lupanga, nanga nkhusambiraso nkhondo nako chara.’—Yesaya 2:3, 4.

Pa nyengo yasono, Chiuta ŵakusambizga Ŵakaboni ŵa Yehova pa charu chose chapasi kuti ŵaŵe ŵamtende. (Mateyu 5:9) Mbanthu ŵamitundu yakupambanapambana ndipo ŵakusangika mu vyaru vyakujumpha 230. Kweni ŵakukana kunjira usilikari.

Chiuta wakusambizga Ŵakaboni ŵa Yehova kuti ŵaŵe ŵamtende

 

Manyani Vinandi

Kasi Uthenga Uwemi ni Vichi?

Kasi Chiuta wakutiphalira uthenga wuli uwemi? Chifukwa wuli ŵanthu ŵakwenera kupulikira uthenga uwemi mwaluŵiro? Tichite wuli pera?

Kasi Ŵakaboni ŵa Yehova Mbanthu Ŵamtundu Wuli?

Kasi mukumanyapo ŵanthu ŵalinga awo Mbakaboni ŵa Yehova? Kasi mukumanya vichi chomene vya ise?