Vya screen reader

Sankhani chiyowoyero

Lutani pa menyu yachiŵiri

Lutani apo pali nkhani

Ŵakaboni ŵa Yehova

Chitumbuka

Kasi Nkhani ya Yesu Yikalembeka Pawuli?

Kasi Nkhani ya Yesu Yikalembeka Pawuli?

Ivyo Baibolo likuyowoya

Mpositole Yohane wakalembako vya Yesu. Iyo wakati: ‘Uyo wakawona ichi wachitira ukaboni, ndipo ukaboni wake ngwaunenesko, ndipo munthu uyu wakumanya kuti wakuphara vinthu vyaunenesko, mwakuti imwe namwe mugomezge.’—Yohane 19:35.

Ivyo wakalemba Mateyu, Mariko, Luka na Yohane pa nkhani ya Yesu, ni vyaunenesko. Ŵanthu ŵanandi awo ŵakaŵako mu nyengo ya Yesu, ŵakaŵa kuti ŵachali ŵamoyo apo mabuku agha ghakalembekanga. Ŵanthu ŵanyake ŵakuti buku la Mateyu likalembeka pati pajumpha vyaka 8, Yesu wati wafwa. Ndikuti mukaŵa mu 41 C.E. Ŵanyake ŵakuti vyaka 8, vikajumpha. Kweni wose ŵakuzomerezga kuti mabuku gha Malemba Ghachigiriki, (Phangano Liphya) ghakalembeka pambere 100 C.E. yindakwane.

Ŵanthu awo ŵakawona Yesu wakubabika, kufwa, na kuwuka, mphanyi ŵakayowoya usange ivyo vili kulembeka mu Mateyu, Mariko, Luka na Yohane ni vyakubudika. Professor F. F. Bruce, wakati: “Ŵapositole ŵakapharazganga na mtima wose, chifukwa ivyo ŵakayowoyanga ŵanthu ŵakavimanyanga kale. Pakupharazga ŵakatenge ‘tili ŵakaboni ŵa vinthu ivi’, kweniso ŵakatenge ‘nga ni umo mwaŵene mukumanyira’ (Milimo 2:22).