Lutani apo pali nkhani

Lutani pa menyu yachiŵiri

Ŵakaboni ŵa Yehova

Chitumbuka

Kasi Ntchiwemi Kuti Mwanalume na Mwanakazi Awo Ŵandatorane Kuyana na Dango Ŵakhalirenge Lumoza?

Kasi Ntchiwemi Kuti Mwanalume na Mwanakazi Awo Ŵandatorane Kuyana na Dango Ŵakhalirenge Lumoza?

Ivyo Baibolo likuyowoya

Baibolo likuti: ‘Chiuta wazamweruzga ŵazaghali.’ (Ŵahebere 13:4) Lizgu lakuti “uzaghali,” mu chigiriki ni por·neiʹa, likung’anamuraso kugonana pambere ŵanthu ŵandatorane. Ntheura Chiuta wakukondwa yayi para mwanalume na mwanakazi awo ŵandatorane ŵakukhalira lumoza, nanga ni para ŵakukhumba kuzakatorana kunthazi.

Wuli usange ŵakutemwana chomene? Chiuta wakukhumba kuti pambere mwanalume na mwanakazi ŵandambe kukhalira lumoza, ŵatorane dankha kuyana na dango. Chiuta wali kulenga ŵanthu kuti ŵatemwanenge. Baibolo likuti Chiuta ntchitemwa. (1 Yohane 4:8) Ntheura, Chiuta wakukhumba kuti mwanalume na mwanakazi awo ŵali kutorana ndiwo ŵagonanenge.