Lutani apo pali nkhani

Lutani pa menyu yachiŵiri

Ŵakaboni ŵa Yehova

Chitumbuka

Kasi Helo Ni Vichi? Kasi Ni Malo Ghakulangirako Ŵanthu Kwamuyirayira?

Kasi Helo Ni Vichi? Kasi Ni Malo Ghakulangirako Ŵanthu Kwamuyirayira?

Ivyo Baibolo likuyowoya

Mabaibolo ghanyake ghakugwiliskira ntchito lizgu lakuti “helo” ilo mu Chihebere ni “Sheole” ndipo mu Chigiriki ni “Hadesi.” Mazgu ghose agha ghakung’anamura waka dindi. (Salimo 16:10; Milimo 2:27) Ŵanthu ŵanandi ŵakugomezga kuti kuli ng’anjo yamoto, nga umo chithuzi cha mu nkhani iyi chikulongolera. Kweni Baibolo ndivyo likusambizga yayi, wonani ukaboni uwu:

  1. Ŵakufwa awo ŵali mu helo panji kuti dindi, ŵakumanya chilichose yayi, ntheura ŵangapulika kuŵinya yayi. “Pakuti ku Dindi [malaro] uko ukuluta kulije mulimo, maghanoghano, kumanya, panji vinjeru.”—Mupharazgi 9:10.

  2. Ŵanthu ŵawemi nawo para ŵafwa ŵakuluta ku helo. Ŵanthu ŵakugomezgeka nga Yakhobe na Yobu, ŵakalindizganga kuti para ŵafwa ŵazamuluta ku dindi (helo).—Genizesi 37:35; Yobu 14:13.

  3. Malipiro gha kwananga ni nyifwa, nkhuphya ku moto yayi. “Uyo wafwa wafwatuka ku kwananga kwake.”—Ŵaroma 6:7.

  4. Kulanga ŵanthu ku moto kwamuyirayira vingalongora kuti Chiuta ngwambura urunji. (Dotoronome 32:4) Adamu, wati wananga, Chiuta wakamuphalira waka kuti wafwenge. Wakati: “Ndiwe fuvu ndipo uzamuwelera ku fuvu.” (Genizesi 3:19) Mazgu agha ghakate ghaŵenge ghautesi, viŵenge kuti Chiuta wakamanyanga kuti Adamu wamuphya ku helo wa moto para wafwa.

  5. Chiuta wakughanaghanako yayi vyakotcha ŵanthu. Ivyo ŵanthu ŵanyake ŵakugomezga kuti Chiuta wakotcha ŵanthu ŵaheni mu moto, vikupambana na ivyo Baibolo likusambizga kuti “Chiuta ntchitemwa.”—1 Yohane 4:8; Yeremiya 7:31.