Lutani apo pali nkhani

Lutani pa menyu yachiŵiri

Ŵakaboni ŵa Yehova

Chitumbuka

Kasi Ivyo Ŵanthu Awo Ŵakuti Ŵangufwa Ŵakuyowoya Ni Vyaunenesko?

Kasi Ivyo Ŵanthu Awo Ŵakuti Ŵangufwa Ŵakuyowoya Ni Vyaunenesko?

Ivyo Baibolo likuyowoya

Ŵanthu ŵanandi awo ŵakuti ŵangufwa ŵakutemwa kuyowoya kuti ŵakusintha thupi lawo, panji kuwona ungweru ukuru, panji malo ghawemi chomene. Buku linyake likuti: ‘Ŵanyake ŵakuti uwu ni mwaŵi wakuwonerako kuchanya, malo ghawemi kuluska charu chapasi.’ (Recollections of Death) Nangauli mu Baibolo mulije nkhani za nthena izi, kweni likutovwira kumanya ivyo vikuchitika para munthu wafwa.

Munthu wakufwa wakumanya kanthu yayi.

Baibolo likuti “ŵakufwa ŵakumanya kalikose chara.” (Mupharazgi 9:5) Para munthu wafwa, wakulutaso ku malo ghanyake ghalighose yayi, ndipo wakuŵaso wamoyo yayi. Mu Baibolo mulije vyakuti para munthu wafwa, mzimu ukulutilira kuŵa wamoyo. (Ezekiyeli 18:4) Ntheura, ivyo ŵanthu awo ŵakuti ŵangufwa ŵakuyowoya kuti ŵanguwona kuchanya, helo, panji umoyo unyake uwemi, ni vyautesi.

Kasi Lazaro wakayowoya vichi wati wawuskika?

Mu Baibolo muli nkhani ya Lazaro uyo wakafwa nadi. Yesu wakamuwuska pati pajumpha mazuŵa ghanayi. (Yohane 11:38-44) Lazaro waŵenge kuti wakaluta ku malo ghanyake ghawemi uko wakakondwanga, mphanyi zikaŵa nkhaza kuti Yesu wamuwuske. Lazaro wati wawuka, wakayowoyapo yayi kuti wakaŵa ku malo ghanyake wati wafwa. Wayowoyengepo, mphanyi vikalembeka mu Baibolo. Pakuyowoya vya nyifwa ya Lazaro, Yesu wakati Lazaro wagona tulo, kung’anamura kuti wakamanyanga chilichose yayi.—Yohane 11:11-14.