Lutani apo pali nkhani

Lutani pa menyu yachiŵiri

Ŵakaboni ŵa Yehova

Chitumbuka

Chifukwa Wuli pa Charu Chapasi Palije Mtende?

Chifukwa Wuli pa Charu Chapasi Palije Mtende?

Ivyo Baibolo likuyowoya

Ŵanthu ŵayezga nthowa zinandi kuti pa charu chapasi paŵe mtende, kweni ŵatondeka pa vifukwa ivi:

  • Baibolo likuti munthu uyo wakwenda wangalongozga yayi mendero ghake. (Yeremiya 10:23) Ŵanthu ŵali kulengeka kuti ŵajilamurenge ŵekha yayi. Lekani ŵakutondeka kwiza na mtende.

  • Baibolo likuti tileke kugomezga munthu chifukwa wangatovwira yayi. Para mvuchi wake wamara, wakuwelera ku dongo; mu zuŵa leneliro maghanoghano ghake ghakumara. (Salmo 146:3, 4) Ŵalongozgi ŵa maboma ŵangamazga yayi nkhondo.

  • Baibolo likuti mu mazuŵa ghaumaliro kuzamuŵa nyengo zinonono na zakusuzga. Ŵanthu ŵazamuŵa ŵakofya, ŵambura kutemwa uwemi, ŵakwendera mphiska, ŵakajilangi, na ŵakujitukumura. (2 Timote 3:1-4) Tili mu “mazuŵa ghaumaliro.” Ŵanthu ŵali na nkharo yiheni, lekani mtende palije.

  • Baibolo likuti: ‘Soka ku charu chapasi na nyanja, chifukwa Dyabulosi wakhilira pasi kwa imwe, wali na ukali ukuru, pakumanya kuti wali na nyengo yifupi.’ (Uvumbuzi 12:12) Dyabulosi ni mulwani wa Chiuta. Wakupangiska kuti ŵanthu ŵaŵe ŵankhaza. Pakuti Satana wachali fumu ya charu ichi, lekani palije mtende.—Yohane 12:31.

  • Baibolo likuti Ufumu wa Chiuta uzamuwuskapo maboma ghose pa charu chapasi. Ufumu wa Chiuta ndiwo uzamuŵako kwamuyirayira. (Daniel 2:44) Ŵanthu ŵakukhumba mtende. Ufumu wa Chiuta wekha ndiwo uzamuŵapa mtende weneko.—Salmo 145:16.