Lutani apo pali nkhani

Lutani pa menyu yachiŵiri

Ŵakaboni ŵa Yehova

Chitumbuka

Kasi Ningachita Wuli Kuti Nileke Kughanaghana Waka vya Kugonana?

Kasi Ningachita Wuli Kuti Nileke Kughanaghana Waka vya Kugonana?

Ivyo ungachita

Sankha makora ŵabwezi. Para ŵanyako ŵa ku sukulu ŵamba kuyowoya vya kugonana, kuzgorako yayi. Para ungazgorako vikusuzgenge kuti uleke. Wukapo waka. Kweni chita mwamahara kuti ŵanyako ŵaleke kuwona nga uli murunji na kukukhozga soni.

Kasi ungazomerezga kuti mavayirasi ghakunangire kompyuta? Kuzomerezga yayi kuti vinthu viheni vinange maghanoghano ghako

Leka kupulikizga panji kuwonelera vinthu vyauzeleza. Sumu na mavidiyo ghanandi mazuŵa ghano, vikupangiska kuti munthu wayambe kughanaghana vya kugonana. Baibolo likuti: ‘Tiyeni tijitozge taŵene ku ukazuzi wose wa thupi na mzimu, kufiska utuŵa mu kopa Chiuta.’ (2 Ŵakorinte 7:1) Ipo uleke kupulikizga sumu panji kuwonelera mavidiyo agho ghakuwuska makhumbiro ghakugonana.

Manya kuti: Khumbiro la kugonana ndiheni yayi pa ilo lekha. Chiuta wali kulenga mwanalume na mwanakazi kuti ŵadokeranenge na kugonana, kweni mu nthengwa pera. Para khumbiro la kugonana lakwizira, kujiyimba mulandu yayi kweniso leka kughanaghana kuti ndiwe wawakawaka.

Fundo yikuru: Ungasankha vyakuti ughanaghanenge mu mtima wako. Para wasankha makora, uŵenge na maghanoghano ghawemi kweniso nkharo yiwemi.