Vya screen reader

Sankhani chiyowoyero

Lutani pa menyu yachiŵiri

Lutani apo pali nkhani

Ŵakaboni ŵa Yehova

Chitumbuka

Kasi Ningachita Wuli Para Ŵanyane Ŵakuti Nichite Viheni?

Kasi Ningachita Wuli Para Ŵanyane Ŵakuti Nichite Viheni?

Ivyo ungachita

Chakwamba, manya kuti para wachita viheni usuzgikenge ndiwe nangauli ŵanyako ŵakuchichizga.

Chachiŵiri, manya vinthu viheni ivyo ŵanyako ŵakukhumba kuti uchite.

Pamasinda, jifumba kuti, ‘Kasi ni nkhu uko ŵakutemwa kunichichizga kuchita ivi?’ (Ku sukulu? Ku ntchito? Panji ku malo ghanyake?) Para wamanya, nyengo na malo vikovwirenge kuti umanye chakuchita.

Para wamanya, ungaŵagwentha. Ukwenera kumanya icho ungachita kuti uleke kukumana nawo. (Mwachiyelezgero: Usange pakuwera ku sukulu ndipo ukukumana na ŵanyako awo ŵakuti ukhweŵenge hona, icho ungachita, nkhusintha nthowa.) Manya kuti: “Ŵabwezi” awo ŵakukuphalira kuti uchite viheni mbabwezi ŵanadi yayi.

Para wayezgeka na kuthera, ukuŵa muzga wa makhumbiro ghaheni

Ŵanyako ŵangalekerathu yayi kukuyezga kuti uchite viheni. Nyengo zinyake ŵangakuyezga kuchita vinthu ivyo waghanaghanangako yayi. Kasi ungachita wuli para vyaŵa nthena?

Nozgekera!

Manya kuti: Yesu wakamanyanga ivyo wangachita kuti walutilire kuŵa na nkharo yiwemi. Iyo wakapulikiranga Adada ŵake nyengo zose. (Yohane 8:28, 29) Ntheura, ukwenera kumanyirathu icho ungachita.

Ivyo ungachita. Chakwamba, para ŵanyako ŵakuti uchite viheni, ghanaghanira vifukwa viŵiri ivyo ukukanira. Chachiŵiri, ghanaghanira vinthu viŵiri ivyo ungachita kuti ukane.

Ntchiwemi yayi kwendera fundo za ŵanyako nyengo zose. Para ukusankha wekha vyakuchita, ukulongora kuti wakura. (Ŵakolose 3:5) Nyengo zose upempherenge kwa Yehova kuti wakovwire.—Mateyu 6:13.

 

Manyani Vinandi

Kasi Ningachita Wuli Para Chibwezi Chane Chikuti Tigonane?

Suzgo ni vichi kugonana waka? Kasi uzamudandawura yayi?