Vya screen reader

Sankhani chiyowoyero

Lutani pa menyu yachiŵiri

Lutani apo pali nkhani

Ŵakaboni ŵa Yehova

Chitumbuka

Kasi Ningachita Wuli Usange Nilije Ŵabwezi?

Kasi Ningachita Wuli Usange Nilije Ŵabwezi?

Ivyo ungachita

1. Manya vinthu ivyo ukuchita makora. (2 Ŵakorinte 11:6) Nangauli wuli ntchiwemi kumanya ivyo ukutondeka kweni ukwenera kumanya kuti pali vinandi ivyo ukuchita makora. Ivi vikovwirenge kuti usange ŵabwezi. Jifumba kuti, ‘Kasi ni vinthu wuli ivyo nkhuchita makora?’ Ghanaghanira nkharo yiwemi iyo uli nayo.

2. Ufwatukenge na ŵanthu. Ungamba kuchezga na ŵanthu ŵachoko waka. Munyamata munyake zina lake Jorge wakati: “Kuti umanye makora ŵanthu, ukwenera kuŵatawuzga na kuŵafumba umo ntchito yikwendera.”

Ungaŵa na ŵabwezi usange uli na nkharo yiwemi

Ivyo ungachita: Kuchezga na ŵanthu ŵamsinkhu wako pera yayi. Mu Baibolo muli nkhani za ŵanthu awo ŵakaŵa paubwezi kweni ŵakapambananga msinkhu. Muli nkhani ya Rute na Naomi, Davide na Yonatani, Timote na Paulosi. (Ruth 1:16, 17; 1 Samuel 18:1; 1 Ŵakorinte 4:17) Manya kuti ntchezgo zikunozga para waliyose wakuyowoyapo. Ŵanthu ŵakukondwa para tikupulikizga ivyo ŵakuyowoya. Usange uli na soni, manya kuti uyowoyenge wekha yayi.

3. Utemwenge ŵabali. (1 Petrosi 3:8) Nangauli vinyake ivyo ŵanyako ŵakuyowoya ungakolerana navyo yayi, ntchiwemi kuleka kuŵadumulizga. Torapo fundo izo ukukolerana nazo. Usange nkhani zinyake ukukolerana nazo yayi ntchiwemi kuyowoya maghanoghano ghako mwakuzikira.

Ivyo ungachita: Usange ukukhumba ŵanyako kuti ŵayowoyenge nawe makora ukwenera kwamba ndiwe. Para ukutemwa kupindana na ŵanyako, kuŵanena panji kujiwoneska kuti ndiwe wamahara, ŵangatemwa yayi kuti uŵe nawo paubwezi. Ŵanyako ŵangakutemwa usange ivyo ukuyowoya ni vyakukondweska nyengo zose.—Ŵakolose. 4:6.

 

Manyani Vinandi

Kasi Ningachita Wuli Para Nili na Phukwa?

Kasi uli na phukwa? Lemba ivyo vyapangiska phukwa kweniso ivyo ungachita kuti limare