Vya screen reader

Sankhani chiyowoyero

Lutani pa menyu yachiŵiri

Lutani apo pali nkhani

Ŵakaboni ŵa Yehova

Chitumbuka

Kasi Ningachita Wuli Kuti Nikwerenge Makora Mayeso?

Kasi Ningachita Wuli Kuti Nikwerenge Makora Mayeso?

Ivyo ungachita

Kujidelera yayi! Ungajiwonanga nga kuti ndimwe ŵakutondekerathu yayi. Para wamba kughanaghana kuti ukutondeka ntchiwemi kughanaghanira ivyo ukuchita makora. Mwachiyelezgero, apo ŵanthu ŵakanenanga mpositole Paulosi chifukwa cha umo wakayowoyeranga, iyo wakaŵazgora kuti: ‘Nanga ningaŵa mulemwa mu kayowoyero, kweni nkhumanya vinthu vinandi.’ (2 Ŵakorinte 10:10; 11:6) Paulosi wakamanyanga ivyo wakatondekanga. Kweniso wakamanyanga ivyo wakachitanga makora. Iwe ke? Kasi ni vichi ivyo ukuchita makora? Usange ukumanya makora yayi, wuli ufumbe munthu munyake uyo ni mulara kwa iwe? Wakovwirenge kumanya vinthu ivyo ukuchita makora ndipo ulutilirenge kulimbikira.

Ulimbikirenge kuŵerenga. Kuŵerenga ndiko kungawovwira munthu kuti wakwere makora mayeso. Ŵanyake ŵakutemwa yayi vyakuŵerenga. Kweni kuŵerenga ndiko kukovwira. Para ukulimbikira kuŵerenga uwonenge kuti vikunozga. Icho chikukhumbikwa nkhuŵa na ndondomeko. Manya kuti kuŵerenga ndiko kukwenera kuŵa pakwamba. Mbunenesko ivyo Baibolo likuyowoya kuti pali “nyengo ya kuseka” na “nyengo ya kuvina.” (Mupharazgi 3:1, 4; 11:9) Nawe ukwenera kuŵa na nyengo ya ntchezgo nga umo ŵakuchitira ŵanyako. Kweni pa Mupharazgi 11:4 pali chenjezgo yakuti: ‘Uyo wakulaŵilira mphepo waseŵenge yayi mbuto, ndipo uyo wakulaŵiska pa mabingu wavunenge kanthu chara.’ Kasi tikusambirako vichi? Chizita yayi. Para uli na chizita ndikuti ntchito izo ni zakuzirwa chomene ugwirenge yayi. Chakwamba ukwenera kuŵerenga pa manyuma ndipo ungaseŵera. Kufipa mtima yayi chifukwa nyengo yakuchitira vyose ivi yilipo!

Para munthu wakunyamura maweti wakuŵa na nkhongono chomene, para ukuŵerenga vikovwirenge kukwera mayeso.