Vya screen reader

Sankhani chiyowoyero

Lutani pa menyu yachiŵiri

Lutani apo pali nkhani

Ŵakaboni ŵa Yehova

Chitumbuka

Kasi Ningachita Wuli Homuweki Yose Iyi?

Kasi Ningachita Wuli Homuweki Yose Iyi?

Ivyo ungachita

Sanga malo ghawemi ghakuŵelengera. Malo agha ghakwenera kuŵa gha yii kwambura chakutimbanizga chilichose. Chingaŵa chiwemi kuŵa na desiki. Kujura yayi TV.

Nyengo yili nga ni hachi yakuchimbira chomene. Ukwenera kugaŵa makora nyengo

Gaŵa makora nyengo. Pakuti sukulu ndiyo njakuzirwa chomene kwa iwe, ntchiwemi kuti uyambenge kuchita dankha homuweki pambere undachite chilichose.

Chizita yayi. Uŵenge na nyengo yakuchitira homuweki ndipo uchitenge nadi pa nyengo iyo.

Uŵenge na tayimu tebo. Lemba ivyo ukukhumba kuchita, icho uyambenge na icho umalirenge. Ulembe nyengo iyo umalirenge pa chilichose icho uchitenge. Icho wamara kuchita uchonge.

Upumulirenge. Usange wavuka, ntchiwemi kupumulira. Kweni ukwenera kuyambiraso mwaluŵiro.

Kujidelera yayi. Munthu wakwenera kulimbikira vilije kanthu kuti wangaŵa na mahara. (Zintharika 10:4) Para ukulimbikira sukulu yingakutonda yayi ndipo uzamukwera makora chomene.