Vya screen reader

Sankhani chiyowoyero

Lutani pa menyu yachiŵiri

Lutani apo pali nkhani

Ŵakaboni ŵa Yehova

Chitumbuka

Kasi Ningachita Wuli Kuti Nikolerane na Asambizgi Ŵane?

Kasi Ningachita Wuli Kuti Nikolerane na Asambizgi Ŵane?

Ghanaghanirapo chomene!

Wona ivyo vikachitikira Rachel. Apo wakaŵa pa sukulu wakakweranga giredi A panji B. Vinthu vikasintha wati wafika mu sitandadi 8. Rachel wakati: “Asambizgi ŵane ŵakachita chilichose kuti nifeluke.” Kasi ntchivichi icho chikapangiska? Rachel na amama ŵake ŵakamanya kuti asambizgi aŵa ŵakatinkhanga chisopa chake.

Asambizgi ŵali nga ni malibwe agho ghakovwira kwambuka kufuma ku ubulutu kuya ku mahara

Kasi ntchivichi icho chikachitika? Rachel wakati: “Magiredi agho ŵasambizgi ŵakanipanga nyengo zose ghakalongoranga kuti ŵali na sankho. Ine na amama tikaluta kwa asambizgi na kuyowoya nawo. Pamanyuma ŵakaleka.

Usange nawe ndivyo vikukuchitikira, kopa yayi kuphalira ŵapapi ŵako. Iwo ŵamuyowoya na asambizgi panji ahedi kuti suzgo limare.

Ni vyose yayi ivyo mungakolerana. Nyengo zinyake ukwenera kuzizipizga waka. (Ŵaroma 12:17, 18) Msungwana munyake zina lake Tanya wakati: “Asambizgi ŵithu ŵanyake ŵakaŵa ŵakusuzga. Ŵakatinenanga kuti ndise vindere. Pakwamba para ŵatinena nkhaliranga. Kweni nkhawona kuti chikaŵa chiwemi yayi kughanaghanira chomene ivyo ŵakatinenanga. Nkhawona kuti chikaŵa chiwemi kughanaghanira ivyo ŵakatisambizganga. Paumaliro ŵakaleka kuninena ndipo nkhaŵa mu gulu la ŵana ŵachoko mu kilasi awo ŵakakwera. Pati pajumpha vyaka viŵiri, asambizgi ŵara ntchito yikamara.

Manya kuti: Usange asambizgi mbakusuzga ukwenera kuzizipizga. Ivi vizamukovwira kunthazi kuti uzakazizipizge para wasangana na abwana ŵakusuzga. (1 Petrosi 2:18) Ukusambiraso kuwonga para wazakaŵa na asambizgi ŵawemi.