Vya screen reader

Sankhani chiyowoyero

Lutani pa menyu yachiŵiri

Lutani apo pali nkhani

Ŵakaboni ŵa Yehova

Chitumbuka

Kasi Ningachita Wuli Kuti Ŵapapi Ŵane Ŵambe Kunigomezga?

Kasi Ningachita Wuli Kuti Ŵapapi Ŵane Ŵambe Kunigomezga?

Ivyo ungachita

Ghanaghanira: Kasi ŵapapi ŵakukukayikira chifukwa cha nkharo yako?

Mpositole Paulosi wakalemba kuti: “Tikukhumba kuŵa ŵakugomezgeka mu vinthu vyose.” (Ŵahebere 13:18) Jifumba kuti, ‘Kasi nkhuŵaphalira ŵapapi ŵane uko nilutenge na ivyo namuchita?’

Sankhapo munthu yumoza na kuŵerenga ivyo wakachitanga.

 Lori  Beverly

 Lori

Tikalemberananga pa e-mail na munyamata uyo nkhakhumbanga, kweni mwakubisa. Ŵapapi ŵane ŵati ŵamanya ŵakanikanizga. Nkhati nilekenge kweni nkhalutilira. Nkhalutizga kumulembera kwa chaka. Para namulembera ndipo ŵapapi ŵane ŵamanya, nkhaphepiskanga na kuŵaphalira kuti naleka. Kweni nkhamulemberanga nipera. Vikafika pakuti ŵapapi ŵane ŵakaleka kunigomezga pa chilichose.

Kasi ukughanaghana kuti ŵapapi ŵa Lori ŵakalekerachi kumugomezga?

Uŵenge mupapi wa Lori mphanyi ukachita wuli, ndipo chifukwa wuli?

Ntchinthu wuli chamahara icho mphanyi Lori wakachita pakwamba apo ŵapapi ŵake ŵakati waleke kulemberana na munyamata?

 Beverly

Ŵapapi ŵane ŵakanigomezganga yayi pa nkhani ya ŵanyamata, kweni sono namanya chifukwa chake. Nkhatinyirananga maso na ŵanyamata awo ŵakaŵa ŵalara kwa ine na vyaka viŵiri. Tikachezganga nyengo yitali pa foni. Para tili na ntchezgo nkhayowoyanga na iwo pera, nkhakhumbangaso munthu munyake yayi. Ŵapapi ŵane ŵakanipoka foni kwa mwezi umoza, ndipo ŵakanikaniranga kuluta uko ŵakamanyanga kuti kwamuŵa ŵanyamata aŵa.

Uŵenge mupapi wa Beverly mphanyi ukachita wuli, ndipo chifukwa wuli?

Kasi ukughanaghana kuti ŵapapi ŵa Beverly ŵakachita makora kumupoka foni na kumukanizga kuchezga na ŵanyamata? Usange ŵakachita makora, chifukwa wuli?

Kasi Beverly mphanyi wakachita wuli kuti ŵapapi ŵake ŵambe kumugomezga?

Kuti Ŵambeso Kukugomezga

Ivyo ungachita

Kuŵa munthu mulara uyo ŵanthu ŵangagomezga vikuyana waka na kukwera masitepu

Chakwamba, manya icho ukutondeka kuti ŵaleke kukugomezga.

  • Kufika pa nyumba nyengo yiwemi

  • Kuchita ivyo nayowoya

  • Kusunga nyengo

  • Kusunga ndalama

  • Kugwira ntchito zapanyumba

  • Kuwuka nyengo yiwemi kwambura kunichichizga

  • Kupwelelera chipinda chane

  • Kuyowoya unenesko

  • Kuleka kumalira nyengo pa foni panji pa kompyuta

  • Kuzomera para nabuda na kuphepiska

  • Vinyake

Chachiŵiri, ŵikapo mtima kuti usinthe. Pa vyose ivyo wawona kuti ukutondeka, ntchiwemi kuwona apo ukwenera kusintha. Baibolo likuti: “Muvure wunthu wakale uwo ukuyana na nkharo yinu yakale.” (Ŵaefeso 4:22) Para nyengo yajumphapo ŵanthu wose na ŵapapi ŵako wuwo, ŵawonenge kuti ukusintha.—1 Timote 4:15.

Chachitatu, phalira ŵapapi ŵako kuti ukukhumba kusintha. M’malo mwakudandawura kuti ŵakukugomezga yayi, ntchiwemi kuŵafumba mwantchindi ivyo ukwenera kuchita kuti ŵambeso kukugomezga.

Chenjezgo: Patolenge nyengo kuti ŵapapi ŵako ŵambe kukugomezga. Ŵawonenge dankha usange ukusintha nadi. Uwu ni mwaŵi wakulongolera kuti uli wakugomezgeka. Para ŵawona kuti wasintha nadi ŵayambenge kukugomezga. Ndimo vikaŵira na Beverly uyo tamuzunura mu nkhani iyi. Iyo wakati: “Ntchipusu yayi kuti ŵanthu ŵakugomezge. Sono ŵapapi ŵane ŵamba kunigomezga ndipo nane nkhukondwa!”

Manya kuti: Usange ukugomezgeka nyengo zose, ŵanthu ŵakugomezgenge chomene.