Vya screen reader

Sankhani chiyowoyero

Lutani pa menyu yachiŵiri

Lutani apo pali nkhani

Ŵakaboni ŵa Yehova

Chitumbuka

Nyumba za Ufumu 1,000, Zinyake Zili Mukati

Nyumba za Ufumu 1,000, Zinyake Zili Mukati

Mu August 2013, Ŵakaboni ŵa Yehova ku Philippines ŵakaŵa kuti ŵazenga Nyumba za Ufumu 1,000. Mipingo yinandi ku Philippines yingafiska yayi kuzenga Nyumba za Ufumu chifukwa cha ukavu. Kale ŵakasoperanga mu nyumba za Ŵakhristu ŵanyawo, ŵanyake mu visakasa.

Chifukwa cha unandi wa Ŵakaboni ŵa Yehova ku Philippines na mu vyaru vinyake, pakakhumbikwanga Nyumba za Ufumu. Lekani mu 1999, Wupu Wakulongozga wa Ŵakaboni ŵa Yehova ukati paŵe ntchito ya kuzenga Nyumba za Ufumu mu vyaru vikavu. Ŵakaboni mu vyaru ivi ŵakupelekapo ndalama izo ŵangakwaniska. Zinyake ŵakupeleka Mbakaboni ŵa Yehova mu vyaru vinyake. Ŵanyake ŵakusambizgika ntchito ndipo ŵakovwira mipingo kuzenga Nyumba za Ufumu. Mu 2001, ntchito ya kuzenga Nyumba za Ufumu yikayamba ku Philippines.

Nyumba ya Ufumu ya nambara 1,000 yili kuzengeka pa mpingo wa ku Marilao, Bulacan. Illuminado, wa mu mpingo uwu wakati: “Nawona kuti tikutemwana nadi. Ŵanalume, ŵanakazi, ŵana na ŵachekuru wuwo, ŵakajipeleka kovwira pakuzenga. Tikagwiranga ntchito zuŵa lili nge! Tikavukanga nadi, kweni tikakondwanga.”

Ŵanthu ŵanandi ŵakazukumanga. Uyo wakendeskanga galimoto yakunyamura mchenga na malibwe wakati: “Mukugwira ntchito nga ni nyerere. Palije wakukhala waka. Nindaviwonepo.”

Nyumba ya Ufumu yasono

Ntchito yikamara pambere masabata 6 ghandakwane. Pakuti yikamara luŵiro, mpingo ukalutilira kupharazga makani ghawemi gha Ufumu wa Chiuta.—Mateyu 24:14.

Ellen, wakati: “Nyumba ya Ufumu yakale yikaŵa yichoko chomene. Ŵanyake ŵakakhalanga kuwaro. Yasono njakutowa kweniso njisani. Tikusambira mwakufwasa.”