Vya screen reader

Sankhani chiyowoyero

Lutani pa menyu yachiŵiri

Lutani apo pali nkhani

Ŵakaboni ŵa Yehova

Chitumbuka

Chifukwa Wuli Ŵakaboni wa Yehova Ŵakupharazgira Ŵanthu Awo Ŵali Kale na Chisopa?

Chifukwa Wuli Ŵakaboni wa Yehova Ŵakupharazgira Ŵanthu Awo Ŵali Kale na Chisopa?

Ŵanthu ŵanandi awo ŵali kale na chisopa ŵakukondwa kuti tidumbiskanenge nawo nkhani za mu Baibolo. Tikuchindika ŵanthu ŵa visopa vinyake ndipo tikuŵachichizga yayi kuti ŵapulike uthenga withu.

Pakudumbiskana vya chisopa na ŵanthu, tikulondezga ulongozgi wa mu Baibolo wakuti tipharazgenge ‘mwakuzika’ ndiposo na ‘ntchindi zikuru.’ (1 Petrosi 3:15) Tikumanya kuti ŵanji ŵangakana kupulika uthenga. (Mateyu 10:14) Tikumanya yayi umo munthu wazgolerenge pambere tindadumbiskane nayo. Kweniso vinthu vikusintha pa umoyo wa munthu.

Zuŵa linyake munthu wangatangwanika, kweni zuŵa linyake wangazomera kudumbiskana nase. Kweniso chifukwa cha masuzgo panji vinthu vinyake, ŵanji ŵangapulika uthenga wa mu Baibolo. Lekani tikupharazgira ŵanthu nyengo zose.