Vya screen reader

Sankhani chiyowoyero

Lutani pa menyu yachiŵiri

Lutani apo pali nkhani

Ŵakaboni ŵa Yehova

Chitumbuka

Kasi Ŵakaboni ŵa Yehova Mbakhristu?

Kasi Ŵakaboni ŵa Yehova Mbakhristu?

Enya. Tili Ŵakhristu pa vifukwa ivi:

  • Tikulondezga ivyo Yesu Khristu wakasambizga na kuchita.—1 Petrosi 2:21.

  • Tikugomezga kuti tizamupona chifukwa cha Yesu. Baibolo likuti: “Palije zina linyake pasi pa mtambo ilo lapika pakati pa ŵanthu, ilo tikwenera kuponoskeka nalo.”—Milimo 4:12.

  • Kuti munthu waŵe Kaboni wa Yehova, wakubatizika mu zina la Yesu.—Mateyu 28:18, 19.

  • Tikulomba mu zina la Yesu.—Yohane 15:16.

  • Tikugomezga kuti Yesu wali na mazaza pa munthu waliyose.—1 Ŵakorinte 11:3.

Ndipouli, tikupambana na visopa vinyake Vyachikhristu. Tikugomezga kuti Yesu ni Chiuta yayi, kweni ni Mwana wa Chiuta nga umo Baibolo likuyowoyera. (Mariko 12:29) Tikugomezga yayi kuti para munthu wafwa mzimu ukulutilira kuŵa wamoyo, kweniso Baibolo likuyowoyapo yayi kuti Chiuta wakotcha ŵanthu mu moto, panji kuti ŵalongozgi ŵaŵenge na mazina ghapadera.—Mupharazgi 9:5; Ezekiel 18:4; Mateyu 23:8-10.