Lutani apo pali nkhani

Lutani pa menyu yachiŵiri

Ŵakaboni ŵa Yehova

Chitumbuka

Kasi Ŵakaboni ŵa Yehova Ŵakusambizga Wuli Baibolo?

Kasi Ŵakaboni ŵa Yehova Ŵakusambizga Wuli Baibolo?

Pakusambizga ŵanthu Baibolo, tikuzgora mafumbo nga ni agha:

  • Kasi Chiuta ni njani?

  • Kasi Chiuta wakunipwelelera nadi?

  • Kasi ningachita wuli kuti nthengwa yane yendenge makora?

  • Kasi ningachita wuli kuti niŵe wakukondwa?

Pasi apa pali mazgoro gha mafumbo agho ŵanthu awo ŵakukhumba kusambira Baibolo ŵakutemwa kufumba.

Kasi mukusambizga wuli Baibolo? Tikudumbiskana nkhani nga yakuti “Chiuta” panji “nthengwa,” na kuŵazga mavesi agho ghakukolerana na nkhani iyo. Tikuyaniska mavesi ghose, na kuwona ivyo Baibolo likusambizga. Baibolo ndilo likutovwira kupulikiska nkhani yose.

Buku la mutu wakuti Kasi Baibolo Likusambizgaci Comenecomene? likutovwira pakusambizga ŵanthu Baibolo. Mu buku ili muli nkhani zakupambanapambana. Zinyake zikulongosora ivyo Baibolo likuyowoya vya Chiuta, Yesu, na ivyo vichitikenge kunthazi.

Kasi munthu wakulipira ndalama zilinga kuti wasambire Baibolo? Munthu wakulipira ndalama yayi. Mabuku ghakusambilira nagho ngakuguliska yayi.

Kasi mukusambizga nyengo yitali wuli? Ŵanthu ŵanandi ŵakutemwa kuti tiŵasambizgenge Baibolo kwa ora limoza panji kujumpha apa sabata yiliyose. Kweni tingasintha para munthu wakhumba.

Kasi chikuchitika ntchivichi para munthu wapempha kuti wasambire Baibolo? Para mwapempha kuti musambire Baibolo, yumoza wa Ŵakaboni ŵa Yehova wizenge pa malo na nyengo iyo imwe mwakhumba. Kwa maminiti ghachoko waka wazamumulongosolerani umo tikuchitira pakusambira. Usange mwatemwa, mungalutilira kusambira.

Usange nazomera kusambira Baibolo, kasi ndikuti nanjira mu mpingo winu? Yayi. Ŵakaboni ŵa Yehova ŵakuchichizga munthu yayi kuti wanjire mu mpingo wawo. Tikusambizga ivyo Baibolo likuyowoya, ndipo munthu wakusankha yekha ivyo wakukhumba kugomezga.—1 Petrosi 3:15.

Manyani Vinandi

KUSAMBIRA BAIBOLO

Chifukwa Wuli Mukwenera Kusambira Baibolo?

Baibolo likuzgora mafumbo ghakuzirwa gha ŵanthu ŵanandi pa charu chose. Kasi mukukhumba kuti mafumbo ghinu ghazgoreke?

KUSAMBIRA BAIBOLO

Kasi Ŵakaboni ŵa Yehova Ŵakuchita Wuli Pakusambizga Ŵanthu Baibolo?

Ŵakaboni ŵa Yehova ŵakusambizga ŵanthu Baibolo kwaulere. Wonani umo ŵakuchitira.

MANYANI VYA ISE

Pemphani Kuti Musambirenge Baibolo

Sambirani nkhani za mu Baibolo pa malo na nyengo iyo njiwemi kwa imwe.