Vya screen reader

Sankhani chiyowoyero

Lutani pa menyu yachiŵiri

Lutani apo pali nkhani

Ŵakaboni ŵa Yehova

Chitumbuka

Chifukwa Wuli Ŵakaboni ŵa Yehova Ŵakuchitako Yayi Isitara?

Chifukwa Wuli Ŵakaboni ŵa Yehova Ŵakuchitako Yayi Isitara?

Ivyo ŵanthu ŵakuyowoya

Utesi: Ŵakaboni ŵa Yehova ŵakuchitako yayi Isitara chifukwa Mbakhristu yayi.

Unenesko: Tikugomezga kuti Yesu ni Muponoski withu, ndipo tikuyezgayezga ‘kulondezga mendero ghake.’—1 Petrosi 2:21; Luka 2:11.

Utesi: Mukugomezga yayi kuti Yesu wakawuka.

Unenesko: Tikugomezga kuti Yesu wakawuka, ndipo tikuphalirako ŵanyithu. Kuwuka kwa Yesu, ni fundo yakuzirwa chomene kwa Mkhristu waliyose.—1 Ŵakorinte 15:3, 4, 12-15.

Utesi: Mukuŵanora viwemi ŵana, chifukwa mukuŵakanira kuchitako Isitara.

Unenesko: Tikuŵatemwa ŵana ŵithu. Ndipo tikuŵasambizga na kuŵawovwira kuti ŵaŵe ŵakukondwa.—Tito 2:4.

Chifukwa icho Ŵakaboni ŵa Yehova ŵakulekera kuchitako Isitara.

  • Isitara yili kufuma mu Baibolo yayi, kweni yili kwamba na visopa vyautesi.

  • Yesu wakati tikumbukirenge nyifwa yake. Wakayowoyapo yayi kuti tikumbukirenge kuwuka kwake. Ŵakaboni ŵa Yehova ŵakukumbukira nyifwa ya Yesu chaka chilichose mwakuyana na kalendara ya mu Baibolo.—Luka 22:19, 20.

  • Pakuti Isitara yikamba na visopa vyautesi, Chiuta wangakondwa nayo yayi. Yikambira ku maluso gha kusopa ŵachiuta ŵakuwuska mphapu. Kweni Chiuta wakukhumba kuti ‘ŵanthu ŵasopenge iyo pera.’ Wakukondwa yayi para ŵanthu ŵakuchita vinthu ivyo vikumukwiyiska.—Exodus 20:5; 1 Mathemba 18:21.

Ŵakaboni ŵa Yehova ŵakulondezga ivyo Baibolo likuyowoya lekani ŵakuchitako yayi Isitara. Baibolo likuti, ‘sungilira vinjeru na kaghanaghaniro kawemi.’ Lekani tikulondezgeramo bweka yayi ivyo ŵanthu ŵakuchita. (Zintharika 3:21; Mateyu 15:3) Tikuphalira ŵanthu ivyo Baibolo likuyowoya pa nkhani ya Isitara, kweni tikuyuyura yayi ivyo munthu wakugomezga pa nkhani iyi chifukwa tikumanya kuti ni wanangwa wake.—1 Petrosi 3:15.

 

Manyani Vinandi

Kasi Mungachimanya Wuli Chisopa Chaunenesko?

Kasi pali chisopa chimoza pera chaunenesko? Wonani vinthu 5 ivyo vingamovwirani kumanya chisopa chaunenesko.