Lutani apo pali nkhani

Lutani pa menyu yachiŵiri

Ŵakaboni ŵa Yehova

Chitumbuka

Chifukwa Wuli Malo Agho Ŵakaboni ŵa Yehova Ŵakusoperapo Ghakuchemeka Tchalitchi Yayi?

Chifukwa Wuli Malo Agho Ŵakaboni ŵa Yehova Ŵakusoperapo Ghakuchemeka Tchalitchi Yayi?

Lizgu Lachigiriki, ilo nyengo zinyake likung’anamulika kuti “tchalitchi,” likuyowoya vya nyumba yayi, kweni ŵanthu.

Chiyelezgero: Mu kalata iyo mpositole Paulosi wakalembera Ŵakhristu mu Romu, wakatawuzga Akwila na Prisila. Kweni wakasazgirapo kuti: “Tawuzgani mpingo [panji tchalitchi] uwo ukuwungana mu nyumba yawo.” (Ŵaroma 16:5) Apa Paulosi wakatawuzganga nyumba yayi kweni ŵanthu. *

Lekani malo agho Ŵakaboni ŵa Yehova ŵakusoperapo ghakuchemeka tchalitchi yayi, kweni “Nyumba ya Ufumu.”

Chifukwa wuli ghakuchemeka “Nyumba ya Ufumu ya Ŵakaboni ŵa Yehova”?

Pali vifukwa vinandi:

  • Ni zina la nyumba iyo ŵakusoperamo.

  • Ŵakuwungana pa malo agha kuti ŵasope Yehova, Chiuta uyo wakuzunulika mu Baibolo, ndipo iwo mbakaboni ŵake.—Masalmo 83:18; Yesaya 43:12.

  • Pa malo agha, ŵakusambira vya Ufumu wa Chiuta, uwo Yesu wakasambizganga ŵanthu.—Mateyu 6:9, 10; 24:14; Luka 4:43.

Mungaluta ku Nyumba ya Ufumu yapafupi kuti mukawone umo Ŵakaboni ŵa Yehova ŵakuchitira pakusopa Chiuta.

^ ndime 3 Mazgu agha ghakusangikaso pa 1 Ŵakorinte 16:19; Ŵakolose 4:15; na Filimoni 2.