Bul ɓil ɓe

Bul kleere wããren wo

Sedewa Jeofa wo

Toupouri

Nday Ɗig ti naw ma pel na Ɗiggi la?

Nday Ɗig ti naw ma pel na Ɗiggi la?

Tamsirn lam no . . .

  • joŋge mbe diŋ sen tum yaw?

  • noga gayrin yaɗ ge wo wer ciŋ ni yaw?

  • noga tamsirn kolge go de el yawla?

 KEFDER BAA WÃàGA

“Baa . . . tag ge mberbe ma nen ɓaaran go ɓuy, jobo hu ga so, jobo law see ɓe ti ree po ga so, jobo ndum ti ree po ga so, ceege joŋ jobo ga so, fěěre ma ɓaa taw ge wo go ɓuy.”Naage Nene 21:3, 4, Wããre Baa.

WÃÃRE SEN KAY NAA NA KAYGE LA

Baa kaŋ bosa’ yaŋ ne joŋre ma do naa wo ti.Esayi 65:21-23.

Ceege joŋ ge jobo ga so, gayrin joŋ ge jobo ga so lay.Esayi 25:8; 33:24.

Jam joŋ ge yaŋ ɓi feele naa wo, ti holaŋ jar teebeere wo lay.Siŋ Wora 37:11, 29.

 À MBE DE EL MA HÃ ƁIL TI WÃÃRE MAGA KEFDER BAA WÃÃ NE MO YAWLA?

À mbe de el ma hã ɓil, diŋ wer wããre po wo ɓoge:

  • Baa de kããge ma bag jag wããre ɓen go ti tu ɓe ɓuy. Ɓil Kefder Baa mono, Jeova diŋ “Baa maa de Eegre-Ɓuy,” werga eegre ɓen daŋ fěěren ɓuy. (Naage Nene 15:3) À de kããge maa bag jag wããre maaga se wãã ne ga se coo tamsirn lam go diŋ ngeel ma de ele. Kefder Baa wãã ga, “Baa kãã ma joŋ fěěren ɓuy.”Matiye 19:26.

  • Baa de sãy bag jag wããre ɓe maga se wãɗ ra go ti. Jeova wãã ga se bir jar hulin wo yaŋ le go.Job 14:14, 15.

    Kefder Baa wãã ga, Yeso Weel Baa pěěɗ jar ceege wo go. À joŋ sen wer mayla? Werga à da do sen nono. (Mark 1:40, 41) Yeso daa kay jar ma de gayrin wo do pan ɓe no lay.Jaŋ 14:9.

    Wersen so, naa mo ko go ga Jeova wo de Weel ɓe Yeso da wo ga naa mo da’ ti desãy nen naw naa ma pel wo no!Siŋ Wora 72:12-14; 145:16; 2 Piyer 3:9.

 KLUURI WÃÃRE HADGE SE NO

Baa cooge tamsirn go de el na cooge la?

Kefder Baa fer wããre ti ɓe ɓil MATIYE 6:9, 10 maala ɓil DANYEL 2:44.