Bul ɓil ɓe

Bul kleere wããren wo

Bul kluuri wããren wo

Sedewa Jeofa wo

Toupouri

Co’ Wee Sug Baa ni Nday Da’ Tenen Ma Tumn Yaŋ

 HADGE 5

Wose Co’ Sug Baa Ti Wur Bii Maŋgen La? Wose Co’ Sug Ga La?

Wose Co’ Sug Baa Ti Wur Bii Maŋgen La? Wose Co’ Sug Ga La?

Jar ma nen mõõ naa Nowe hay wo joŋ ge diŋ fẽẽre ma de ɓlagge boŋ tu. Tĩĩgi Were 6:5

Adam wo de Efa biŋ wo weere. Jar tebeere raw wo tesge ti tamsir la puri. Blam sen jar peele Baa ma po maŋ wo wer Satan.

Jar peele Baa sen co’ wo le ti tamsir la, raw wo kol see ɓaara go jar tebeere, maga saara mo da mayre ɓaara wo nããre. Nããre ɓaaran biŋ wo weere ma ngrim ngrim, ma de hãã wo, ma de eegre wo lay.

Tamsir raw go baage de jar ɓlagge wo. Kefder Baa wãã ga: “Debaycõõre je tabay joŋ kluu gesiŋ la debaŋ. Day tum ti naw mono, jiili ɓe wo go de kaŋge diŋ ti ɗiggi ma de ɓlagge wora.”

 Nowe co’ sug Baa, se raw ceɗ daage. Tĩĩgi Were 6:13, 14, 18, 19, 22

Nowe hay diŋ je ma de ele. Jeova raw wii ge ɓe ga se caage wer jar debaycõõren yaŋ wo go de bii maŋge.

Baa fer wii Nowe pa ga á mo boo daage maa kluu, á mo hoo jar ni ɓe wo ɓil ɓe de wer nàyre wo sar sar ɓuy.

Nowe raw ɓo’ sug jarn wo ti bii maŋge maga age yaŋ mono, ama saara day laa jag ɓe ga. Tee jar ma po feg wo ti ɓe, ma ba po car wo hee de ɓe.

De maga daagen maŋ jag go mono, Nowe raw laa nàyren wo ɓil ɓe.