หอประชุมราชอาณาจักรซู่หม่องของพยานพระยะโฮวา ประกาศเถิงนามที่บริสุทธิ์ของพระเจ้า จั่งซั้นแล้ว พวกเฮาฮู้สึกอยากมีส่วนร่วมในการเฮ็ดหอประชุมให้สะอาด เป็นระเบียบ หละกะอยู่ในสภาพที่ดี นี่เป็นสิทธิพิเศษหลาย หละเป็นส่วนสำคัญในการนมัสการอันศักดิ์สิทธิ์ของเฮา พวกเฮาซู่คนสามารถมีส่วนร่วมได้

พวกเฮาเฮ็ดความสะอาดลางอย่างหลังการประชุม หลังการประชุมแต่ละเทื่อ พี่น้องผู้ชายผู้ญิงมีความสุขในการเฮ็ดความสะอาดหอประชุมแบบง่ายๆสัปดาห์ละเทื่อ พวกเฮาสิเฮ็ดความสะอาดที่ละเอียด ผู้ปกครองหรือผู้ซ่อยงานฮับใช้เป็นผู้ประสานงานหละมอบหมายงาน ตามปกติแล้วสิเฮ็ดตามรายการต่างๆที่มีไว้ แล้วแต่ความจำเป็น พวกเฮาลางคนสิกวาดพื้น ถูพื้น ดูดฝุ่น ปัดฝุ่น จัดเก้าอี้ให้เป็นระเบียบ ล้างหละกะฆ่าเชื้อในห้องส้วม เช็ดหน้าต่าง เช็ดกระจก ถิ้มขยะ หรือเฮ็ดความสะอาดข้างนอก หละกะเบิ่งแยงสวน อย่างน้อยปีละเทื่อ พวกเฮาสิจัดมื้อหนึ่งไว้เพื่อเฮ็ดความสะอาดใหญ่ เด็กน้อยในหอประชุมของพวกเฮากะสามารถเฮ็ดได้นำ โดยที่พวกเฮาสอนพวกเขาให้นับถือหม่องที่ใช้ในการนมัสการของเฮา—ท่านผู้ประกาศ 5:1

พวกเฮาซ่อยกันในการซ่อมแซมที่จำเป็น ในซู่ปีสิมีการตรวจหอประชุมราชอาณาจักรอย่างละเอียด เทิงข้างในข้างนอก โดยการตรวจหอประชุมนี้การที่เฮาบำรุงฮักษาเป็นประจำสิซ่อยเฮ็ดให้หอประชุมอยู่ในสภาพที่ดี เพื่อหลีกเลี่ยงค่าใช้จ่ายที่บ่จำเป็น (2 โครนิกา 24:13; 34:10) หอประชุมราชอาณาจักรที่สะอาดหละกะได้ฮับการฮักษาอย่างดี สิเป็นหม่องที่น่านับถือเพื่อใช้ในการนมัสการพระเจ้าของเฮา โดยการที่เฮามีส่วนในงานนี้ แสดงให้เห็นว่าพวกเฮาฮักพระยะโฮวา หละกะหม่องที่ใช้ในการนมัสการของเฮาจากใจของเฮา (บทเพลงสรรเสริญ 122:1) นี้สิเป็นการสร้างความประทับใจที่ดีหลายในชุมชน—2 โครินท์ 6:3

• เป็นหยังพวกเฮาต้องซ่อยกันฮักษาหม่องที่ใช้ในการนมัสการของเฮา?

• มีการจัดเตรียมอีหยังแหน่ที่ซ่อยพวกเฮาเฮ็ดให้หอประชุมสะอาดเป็นประจำ?