Канун 33:1—29
33 Аллаһы кешесе Муса үз үлеме алдыннан исраиллеләрне фатихалады.+
2 Ул болай диде:
«Йәһвә Синайдан килде,+Ул аларны Сәгыйрдән яктыртты.
Даны белән таулы җир Параннан балкыды,+Аның белән мириадлаган изге фәрештәләре,*+Уң кулы ягында гаскәриләре булды.+
3 Ул үз халкын яратты.+
И Аллаһы, халыкның бар изгеләре синең кулыңда.+
Алар синең аяк очына утырып,+Сүзләреңне тыңлый башлады.+
4 (Муса безгә әмер — канун бирде,+Ягъкуб җыелышы аңа ия булды.)+
5 Халык башлыклары+Исраилнең бөтен кабиләләре белән+ җыелганда,Аллаһы Йәшурунда*+ патша булды.
6 Руби́н яшәсен — үлмәсен+Һәм аның кешеләре кимемәсен».+
7 Ул Яһүдне болай дип фатихалады:+
«И Йәһвә, Яһүднең тавышын ишет,+Аны үз халкына кире китер.
Ул үз кулы белән үзенекен яклады,*Аңа дошманнарына каршы сугышырга булыш».+
8 Ле́ви турында ул болай дип әйтте:+
«Синең* тумми́м белән уримың+ үзеңә тугры кеше кулында,+Син аны Масса́һ янында сынадың.+
Аның белән Мәрибә́ сулары янында бәхәсләшә башладың.+
9 Ул кеше үз әтисе һәм әнисе турында: „Мин алар яклы булмадым“,— диде.
Ул хәтта үз абый-энеләрен санга сукмады,+Үз улларына игътибар итмәде,
Чөнки ул синең сүзеңне тоттыҺәм килешүеңне үтәде.+
10 Ул Ягъкубны — синең хөкемнәреңә,+Исраилне Кануныңа өйрәтсен.+
Ул синең өчен хуш ис итеп фимиам яндырсын,+Мәзбәхеңдә тулаем яндыру корбаны китерсен.+
11 И Йәһвә, аның көчен фатихалаҺәм аның эшләренә илтифат күрсәт.
Аңа каршы күтәрелгәннәрнең ботларын сындыр,Шулчак аны нәфрәт итүчеләр бүтән күтәрелмәс».
12 Биньями́н турында ул болай диде:+
«Йәһвәнең яратканы аның яклавы астында яшәсен.
Ул аны көне буе сыендыра,Ул аның иңбашлары арасында яшәр».
13 Йосыф турында ул болай диде:+
«Йәһвә аның җирен фатихаласын,+Күкнең иң яхшы нәрсәләре —Чык һәм җир астыннан аккан чишмә сулары белән фатихаласын,+
14 Кояш үстергән иң яхшы нәрсәләр,Ай саен иң яхшы уңышлар белән фатихаласын,+
15 Борынгы* таулардагы иң яхшы нәрсәләр+Һәм гасырлар буе торасы калкулыклардагы иң яхшы нәрсәләр белән фатихаласын,
16 Җирнең иң яхшы нәрсәләре һәм аны тутырган нәрсәләр белән+Һәм чәнечкеле куакта Күренүченең хуплавы белән фатихаласын.+
Алар Йосыфның башына,Үз абый-энеләреннән аерып куелганның баш түбәсенә яусын.+
17 Аның гайрәте беренче туган үгезнеке кебек,Аның мөгезләре — кыргый үгезнең мөгезләре.
Алар белән ул халыкларны,Аларның барысын җирнең чикләренә кысрыклар.*
Аның мөгезләре — Ифраимның дистәләгән меңнәре,+Алар — Манашшеның меңнәре».
18 Зәбулу́н турында ул болай диде:+
«И Зәбулун, чыкканда сөен,Син, Иссаха́р, чатырларыңда шатлан.+
19 Алар халыкларны тауга чакырыр.
Анда алар тәкъвалык корбаннары китерер.
Алар диңгезләрнең мул байлыгыннан,Комда яшерелгән хәзинәләрдән тукланыр».
20 Гәд турында ул әйтте:+
«Гәд чикләрен киңәйтүче фатихалы.+
Ул анда кулны да, башны да ботарларга әзерАрыслан кебек ята.
21 Ул үзенә иң яхшы өлешне сайлар,+Һәм бу — аңа канун бирүче билгеләгән өлеш.+
Халык башлыклары бергә җыелыр,Ул Исраи́л өчен Йәһвәнең гаделлеген,*Аның хөкемнәрен үтәр».
22 Дан хакында ул әйтте:+
«Дан — арыслан баласы.+
Ул Башаннан сикереп чыгар».+
23 Нәфтәли́ хакында ул болай диде:+
«Нәфтәли Йәһвәнең хуплавына ия,Ул аңа һәрьяктан фатихасын биргән.
Көнбатыш белән көньякны биләп ал».
24 Әши́р турында ул әйтте:+
«Әширнең фатихасы — уллары.
Аны абый-энеләре хупласын,Ул үз аякларын майга батырсын.*
25 Капкаларыңның бикләре — тимер һәм бакыр,+Синең бар көннәрең хәвеф-хәтәрсез үтәр».
26 «Йәшурунның+ Аллаһысы кебек беркем юк,+Ул сиңа ярдәм итәр өчен күк аша үтә,Үз мәһабәтлегендә болытларда бара.+
27 Аллаһы — борынгы заманнардан сыену урыны,+Аның мәңгелек куллары сине тотып тора.+
Ул синең алдыңнан дошманнарны куып җибәрер+
Һәм: „Аларны юк ит!“ — дияр.+
28 Ашлык һәм яңа шәраб җирендә,+Күкләреннән чык тамган җирдә+
Исраил иминлектә яшәр,Ягъкубның токымнары* аулакта торыр.
29 Бәхетле син, Исраил!+
Синең кебек халык бармы?+
Йәһвә — синең коткаручың,+Ул — синең саклау калканың,+Мәһабәт кылычың.
Дошманнарың синең алдыңда ялагайланыр,+Син аларның аркаларын* таптарсың».
Искәрмәләр
^ Яки «дистәләгән мең изгеләре».
^ Мәгъ. «намуслы». Исраилнең хөрмәтле исеме.
^ Яки «үзенеке өчен көрәште».
^ Бу шигырьдәге «синең» һәм «син» сүзләре Аллаһыга күрсәтә.
^ Я, бәлки, «Көнчыгыш».
^ Яки «сөзәр».
^ Яки «тәкъвалыгын».
^ Яки «майда юсын».
^ Сүзгә-сүз «чишмәсе».
^ Я, бәлки, «биеклекләрен».