Изге Язмалар нигезендә җавап

Кешеләр дөньяда тынычлык булсын өчен тырышлыклар куеп торсалар да, һаман да уңышка ирешә алмый. Ни өчен? Берничә сәбәпкә игътибар итик.

  • «Баручы үз адымнарына юнәлеш бирә алмый» (Иремия 10:23). Кешеләр үзләре белән идарә итә ала торган я үзләре белән идарә итәргә хокуклары булган затлар итеп яратылмаган. Шуңа күрә алар җир йөзендә тынычлык булдыра алмый.

  • «Коткара алмый торган башлыкларга, адәм улларына ышанып тормагыз. Адәмнең рухы чыкты исә, ул кире туфрагына кайтыр, тоткан исәпләренең барсы да шул көнне үк юкка чыгар» (Мәдхия 145:3, 4). Хөкүмәт башлыклары, хәтта иң изге ниятләрдән чыгып эш итүчеләре сугышларга китергән сәбәпләрне юк итә алмый.

  • «Соңгы көннәрдә аеруча авыр вакытлар киләчәк. Чөнки кешеләр... рәхимсез, яхшылыкны яратмаучы, хыянәтче, дуамал, масаючан... булырлар» (2 Тимутигә 3:1—4). Без бүгенге явыз дөньяның соңгы көннәрендә яшибез һәм кешеләрнең киң таралган карашы аркасында тыныч-тату яшәү мөмкин түгел.

  • «Җиргә һәм диңгезгә кайгы, чөнки Иблис, вакыты аз калганын белеп, көчле ярсу белән сезгә төште» (Ачылыш 12:12). Аллаһының дошманы Иблис җир тирәсендә генә яшәр өчен күктән ыргытылган булган һәм кешеләрне үз явыз рухын үзләштерергә этәрә. Ул «бу дөньяның идарәчесе», шуңа күрә кешеләр тыныч-тату яши алмый (Яхъя 12:31).

  • «[Аллаһы Патшалыгы] барлык бу патшалыкларны җимерәчәк һәм аларны юкка чыгарачак, ә үзе мәңге торачак» (Данил 2:44). Кеше хөкүмәтләре түгел, ә Аллаһы Патшалыгы, мәңгегә чын тынычлык китереп безнең теләгебезне үтәячәк Мәдхия 144:16).