Төп мәгълуматка күчү

Эчтәлеккә күчү

Йәһвә Шаһитләре

Телне сайлагыз татар

Зәбур 34:1—22

КЫСКАЧА ЭЧТӘЛЕК

  • Йәһвә үз хезмәтчеләрен коткара

    • «Аның исемен бергәләп югарылыйк» (3)

    • Йәһвәнең фәрештәсе яклый (7)

    • «Йәһвәнең игелеген татыгыз һәм күрегез» (8)

    • Сөякләренең «берсе дә сынмады» (20)

Давытның Әбумәли́к* каршында акылсыз булып кылангач,+ куып җибәрелгәннән соң язган мәдхиясе. א [әлиф] 34  Мин Йәһвәне һәрвакыт мактармын,Телем аны мактаудан туктамас. ב [бәт]  Мин Йәһвә белән мактанырмын,+Юашлар ишетер һәм сөенер. ג [гимел]  Йәһвәне минем белән бергә зурлагыз,+Аның исемен бергәләп югарылыйк. ד [дәлит]  Мин Йәһвәгә дога кылдым, һәм ул миңа җавап бирде,+Бөтен куркуларымнан арындырды.+ ה [хе]  Аңа караганнарның чырайлары балкып китте,Аларның йөзләре оятлы* булмас. ז [зәйин]  Менә мескен ялварды, һәм Йәһвә ишетте. Ул аны бөтен кайгыларыннан коткарды.+ ח [хет]  Йәһвәнең фәрештәсе Аллаһыны тирән хөрмәт итүчеләр тирәли лагерь кора+Һәм аларны коткара.+ ט [тет]  Йәһвәнең игелеген татыгыз һәм күрегез,+Аңа сыенучы кеше бәхетле. י [йод]  Йәһвәнең бөтен изгеләре, аны тирән хөрмәт итегез,Чөнки аны тирән хөрмәт итүчеләр бернәрсәгә дә мохтаҗ булмас.+ כ [каф] 10  Хәтта көчле яшь арысланнар да ачлык кичерә,Ә Йәһвәне эзләүчеләр һичнинди игелектән мәхрүм булмас.+ ל [ләмид] 11  Килегез, улларым, тыңлагыз мине,Мин сезне Йәһвәне тирән хөрмәт итәргә өйрәтермен.+ מ [мем] 12  Арагыздан кем тормыштан рәхәт табып яши? Кем күп ямьле көннәр күреп яшәргә теләр иде?+ נ [нун] 13  Алайса, телеңне яманлыктан,+Авызыңны ялган сөйләүдән сакла.+ ס [сәмих] 14  Явызлыктан читтә тор һәм яхшылык кыл,+Тынычлык-татулык эзләп, шуңа омтыл.+ ע [әйин] 15  Йәһвәнең күзләре тәкъваларга юнәлгән,+Колаклары аларның ярдәм сорап ялваруларын ишетә.+ פ [пе] 16  Яманлык кылучыларга исә, алар турында бер истәлек тә калмасын өчен,+Йәһвә каршы тора. צ [тсаде] 17  Тәкъвалар ялварып аваз салды, һәм Йәһвә ишетте.+ Ул аларны бөтен кайгыларыннан коткарды.+ ק [коф] 18  Йәһвә боек* күңеллеләргә якын,+Рухы сынык булганнарны ул коткара.+ ר [реш] 19  Тәкъва кешенең михнәтләре күп,+Ләкин Йәһвә аны аларның барысыннан да коткара.+ ש [шин] 20  Ул аның бөтен сөякләрен саклый. Аларның берсе дә сынмады.+ ת [тау] 21  Бәла-каза явызларны һәлак итәр,Тәкъваларны күралмаучылар гаепле дип табылыр. 22  Йәһвә үз хезмәтчеләренең гомерләрен йолып ала,Аңа сыенучыларның берсе дә гаепле дип табылмас.+

Искәрмәләр

Күрәсең, Ахиш патшаның титулы.
Яки «моңсу».
Яки «яралы».