Төп мәгълуматка күчү

Эчтәлеккә күчү

Йәһвә Шаһитләре

Телне сайлагыз татар

Гыйбрәтле сүзләр 19:1—29

КЫСКАЧА ЭЧТӘЛЕК

  • Төшенә белү кешенең ачуын баса (11)

  • Тиргәшүчән хатын — аккан түбә (13)

  • Акыллы хатын — Йәһвәдән (14)

  • Әле өмет булганда, баланы тәрбиялә (18)

  • Киңәшкә колак салу акыллы (20)

19  Ярлы булып, сафлык юлыннан йөрү+Акылсыз булып, ялган сөйләүдән яхшырак.+  Кешенең* белеме булмаса яхшы түгел,+ Ашыгып эш итүче кеше гөнаһ кылыр.  Кешенең юлын үз акылсызлыгы боза,Ә йөрәгендә Йәһвәгә карата ачуы кабара.  Байның дуслары күп,Ә ярлыны хәтта булган дусты да ташлап калдырыр.+  Ялган шаһит җәзасыз калмас,+Һәм сүз саен алдаучы кеше качып котыла алмас.+  Күпләр күренекле* кешенең хуплавын эзли,Һәм һәркем бүләк бирүчене үзенең дусты дип саный.  Ярлыны туганнары нәфрәт итә икән,+Дуслары аны бигрәк тә чит күрер!+ Ул алар артыннан ялварып йөрсә дә, һичкем дәшмәс.  Зирәк йөрәккә ия булган һәркем үз җанын ярата.+ Үткен акыл туплаучы уңышка ирешер.+  Ялган шаһит җәзасыз калмас,Сүз саен алдаучы кеше һәлак булыр.+ 10  Акылсызга зиннәттә яшәү килешми,Хезмәтчегә мирзалар өстеннән идарә итү бигрәк тә килешми!+ 11  Төшенә белү кешенең ачуын баса,+Үпкә* тотмау аны күркәм итә.+ 12  Патшаның ярсуы арысланның үкерүенә охшаш,+Илтифаты исә чирәмдәге чык сыман. 13  Ахмак угыл — атасы өчен бәла,+Ә тиргәшүчән* хатын бертуктамый аккан түбә сыман.+ 14  Йорт һәм байлык — аталардан килгән мирас,Ә акыллы хатын — Йәһвәдән.+ 15  Ялкаулык тирән йокыга талдыра,Һәм иренчәк кеше* ач йөрер.+ 16  Әмерне үтәүче кеше үз җанын коткарыр,+Йөрер юлларына игътибар итмәүче һәлак булыр.+ 17  Мескенгә илтифат күрсәткән кеше Йәһвәгә бурычка биргән була,+Ходай аңа моның өчен әҗерен кайтарыр.*+ 18  Әле өмет булганда, улыңны тәрбияләргә тырыш,+Аның үлеменә сәбәпче булма.*+ 19  Тиз кызучан кеше җәзага тартылыр,Аны бер коткарырга тырышсаң, гел коткарырга туры килер.+ 20  Киңәшкә колак сал, тәрбияне кабул ит,+Һәм киләчәктә син зирәк булырсың.+ 21  Кеше йөрәгендә уй-фикерләр күп була,Әмма Йәһвә нияте* өстен чыгачак.+ 22  Кешенең кадерле нәрсәсе — аның тугры мәхәббәте.+ Ярлы булу ялганчы булудан яхшырак. 23  Йәһвәгә карата курку-хөрмәт тормышка илтә,+Кешенең йокысын тыныч итә, зыяннан коткара.+ 24  Ялкау үз кулын тәлинкәгә сала,Ләкин аны авызына кадәр китерергә иренә.+ 25  Тәҗрибәсез алдын-артын уйлап эш итәргә өйрәнсен өчен,+ мыскыллаучыга сук,+Һәм төшенүчән кеше белемен арттырсын өчен, аны шелтәлә.+ 26  Атасын җәберләүче һәм анасын куып җибәрүче угылОятка һәм хурлыкка калдыра.+ 27  Улым, тәрбияне тыңламый башласаң,Белем юлыннан читкә китәрсең. 28  Яраксыз шаһит гаделлектән көлә,+Һәм явызлар яманлыктан ризыктан тәм тапкан кебек рәхәтлек таба.+ 29  Мыскыллаучылар өчен — хөкем,+Һәм акылсызларның аркалары өчен тукмау әзер тора.+

Искәрмәләр

Яки «Җанның».
Яки «юмарт».
Яки «Гөнаһ».
Яки «мыгырданучан».
Яки «җан».
Яки «түләр».
Яки «үлемен теләмә». Сүзгә-сүз «җаныңны күтәрмә».
Яки «киңәше».