Төп мәгълуматка күчү

Эчтәлеккә күчү

Йәһвә Шаһитләре

Телне сайлагыз татар

Амус 6:1—14

КЫСКАЧА ЭЧТӘЛЕК

  • Үз-үзләреннән канәгать кешеләргә кайгы! (1—14)

    • Фил сөягеннән ясалган ятаклар, шәраб салынган касәләр (4,6)

6  «Сионда яшәүче үзбелдекле* кешеләргә,Сама́рия тавында үзләрен тыныч хис итүчеләргә кайгы!+ Алар — иң мөһим халыкның атаклы кешеләре,Аларга Исраи́л йорты йөри.  Кәлне́ шәһәрен үтеп чыгыгыз һәм карагыз. Аннан Бөек Хаматка барыгыз,+Филистилеләр яшәгән Гефка төшегез. Әллә алар ике патшалыгыгыздан яхшыракмы? Әллә аларның җире сезнең җирегездән зурракмы?  Сезнең бәла көне турында уйлыйсыгыз килми.+ Сездә җәбер-золым хөкем сөрә.+  Сез фил сөягеннән+ ясалган ятакларда җәелеп һәм диваннарда сузылып ятасыз,+Көтүнең иң яхшы сарык тәкәләрен һәм көр үгезләрне* ашыйсыз.+  Сез арфа уйнап җырлар чыгарасыз+Һәм Давыт шикелле яңа уен кораллары ясыйсыз.+  Сез зур касәләрдән шәраб эчәсез,+Үзегезгә иң яхшы майлар сөртәсез. Әмма Йосыфка төшкән бәла турында уйлап та бирмисез.+  Шуңа күрә сез сөргенгә китүчеләрнең беренчеләре булып барырсыз,+Һәм сузылып яткан кешеләрнең тыелгысыз эчү мәҗлесләре бетәр.  „Аллаһы Тәгалә Йәһвә үзе белән ант итте+,— дип әйтә Гаскәрләр Иясе Йәһвә,—Мин Ягъкубның горурлыгына җирәнеп карыйм,+Ныгытылган манараларын нәфрәт итәм+Һәм шәһәрне андагы бар нәрсәсе белән бергә дошманга бирермен.+  Берәр йортта ун кеше калса, алар да үләр. 10  Аларның туганы килеп, гәүдәләрен чыгарыр һәм бер-бер артлы яндырыр. Ул аларның сөякләрен йорттан чыгарып, йортның эчке бүлмәләрендә калган кешедән: „Анда тагын берәрсе калдымы?“ — дип сорар. Тегесе: „Беркем дә юк!“ — дип җавап кайтарыр. Шунда ул: „Дәшмә! Хәзер Йәһвә исемен телгә алу вакыты түгел“,— дияр“. 11  Чөнки Йәһвә үзе әмер биргәндә,+Бөек йортлар җимерелеп төшәрҺәм кечкенә йортлар хәрабәләр өеменә әйләнер.+ 12  Атлар кыя өстендә чабамы? Кем дә булса анда эре терлек белән сукалармы? Ә сез гаделлекне — агулы үсемлеккә,Тәкъвалык җимешләрен әремгә* әйләндердегез.+ 13  Сез юк-бар нәрсәгә шатланасызҺәм: „Куәтле* булуыбыз үзебездән килә түгелме?“ — дисез.+ 14  Шуңа күрә, и Исраил йорты, мин сиңа каршы бер халык алып килермен,+Һәм алар сезне Лебо́-хаматтан+ алып Араба́ елгасы үзәненә* кадәр җәберләп йөрер“,— дип әйтә Гаскәрләр Иясе Йәһвә Аллаһы».

Искәрмәләр

Яки «кәпрәйгән».
Яки «бозауларны».
Яки «ачы нәрсәгә».
Сүзгә-сүз «Мөгезләргә ия».