Төп мәгълуматка күчү

Эчтәлеккә күчү

Йәһвә Шаһитләре

Телне сайлагыз татар

1 Тисалуникәлеләргә 4:1—18

4  Ниһаять, кардәшләр, без сезне үзегезне ничек тотарга һәм Аллаһы хуплаганны ничек эшләргә икәнен өйрәттек (һәм сез нәкъ шулай эшлисез дә). Хәзер без сезне Хуҗабыз Гайсә исеме хакына моны киләчәктә тагын да зуррак тырышлыклар куеп башкарырга өндибез һәм дәртләндерәбез. 2  Чөнки сез Хуҗабыз Гайсә исеме хакына үзегезгә бирелгән күрсәтмәләребезне беләсез. 3  Изге булыгыз һәм фахишәлектән ерак торыгыз — Аллаһының ихтыяры шул. 4  Һәрберегез, изге булыр өчен һәм Аллаһы хуплавын алыр өчен, үз тәнен* ничек буйсындырып яшәргә икәнен белсен, 5  Аллаһыны белмәгән халыклар кебек комсызланып җенси нәфесләргә бирелмәсен. 6  Сафлык турында әйткәндә, беркем дә үз кардәшенең хокукларына нәфесен сузмасын һәм аңа зыян китермәсен, чөнки Йәһвә барлык андый гөнаһлар өчен җәза бирә. Без сезгә бу турыда моңа кадәр дә әйткән идек һәм төпле шаһитлек биргән идек. 7  Чөнки Аллаһы безне нәҗес тормышка түгел, ә изге булып яшәргә чакырды. 8  Шуңа күрә моны санга сукмаучы, кешене түгел, ә сезгә үз изге рухын бирүче Аллаһыны санга сукмый. 9  Ә инде туганнарча ярату турында сезгә язып торасы да юк, чөнки Аллаһы сезне бер-берегезне яратырга өйрәтеп тора. 10  Сез бөтен Македониядәге барлык кардәшләр белән үзегезне нәкъ шулай тотасыз да. Шулай да, кардәшләр, без сезне моны киләчәктә дә тагын да зуррак тырышлыклар куеп эшләргә дәртләндерәбез. 11  Һәм без сезгә инде әйткәнчә, тыныч-тату тормышка омтылыгыз, кеше эшенә тыкшынмагыз һәм үз кулыгыз белән эшләп яшәгез. 12  Шулай итеп башкалар алдында тәүфыйклы булырсыз һәм бернәрсәгә дә мохтаҗлык күрмәссез. 13  Өстәвенә, кардәшләр, сез өметләре булмаган башка кешеләр сыман кайгырмасын өчен, үлем йокысы белән йоклаганнарның киләчәге турында белүегезне телибез. 14  Гайсәнең үлеп терелгәненә иман итсәк, без шуңа да иман итәчәкбез: Аллаһы Гайсәгә тугры калып үлем йокысы белән йоклап киткәннәрне, алар Гайсә белән булсын өчен, терелтәчәк. 15  Сезгә Йәһвә сүзләрен әйтәбез: без, Хуҗабызның килү чорына кадәр исән калганнар, үлем йокысы белән йоклаучылардан берничек тә алдарак була алмыйбыз, 16  чөнки Хуҗабыз үзе баш фәрештә тавышы белән боерыклар биреп һәм Аллаһы быргысын тотып күктән төшәчәк, һәм Мәсихкә тугры калып үлем йокысы белән йоклап киткәннәр беренче булып торачаклар. 17  Шуннан соң алар белән бергә без, исән калганнар, яшәүчеләр, Хуҗабызны һавада очратыр өчен болытларда күтәреләчәкбез һәм шулай итеп һәрвакыт Хуҗабыз белән булачакбыз. 18  Шуңа күрә бер-берегезне бу сүзләр белән дәртләндереп торыгыз.

Искәрмәләр

Сүзгә-сүз «савытын».