Икенче Ишмуил 7:1—29

7  Давыт патша үзенең сараенда яши башлагач+ һәм Йәһвә аңа тирә-яктагы бар дошманнарыннан тынычлык биргәч,  патша Ната́н+ пәйгамбәргә: «Мин үзем эрбет агачыннан салынган йортта яшим,+ ә Аллаһының килешүе сандыгы чатырда тора»+,— диде.  Натан исә патшага: «Бар, күңелең теләгәнчә эшлә, чөнки Йәһвә синең белән»+,— дип җавап бирде.  Шул ук төнне Йәһвә Натанга болай диде:  «Хезмәтчем Давыт янына бар да болай диген: „Йәһвә менә нәрсә дип әйтә: „Синме миңа яшәргә йорт төзерсең?+  Минем Исраи́л халкын Мисырдан алып чыкканнан бирле һичбер йортта яшәгәнем булмады,+ мин чатырда гына яшәдем.+  Исраиллеләр белән йөргән чакта халкым Исраилне кайгырту өчен үзем билгеләгән кабилә башлыкларының берәрсенә: „Ник миңа эрбет агачыннан йорт салмыйсыз?“ — диеп, бер генә сүз әйткәнем булдымы?“  Хезмәтчем Давытка болай диген: „Гаскәрләр Иясе Йәһвәнең сүзе мондый: „Син халкым Исраилнең җитәкчесе булсын өчен,+ мин сине сарык утарларыннан, көтү көткән җирләрдән алдым.+  Кая гына барсаң да, мин синең белән булырмын,+ синең алдыңда дошманнарыңны юк итәрмен,+ исемеңне җир йөзендәге олуг кешеләрнең исемедәй бөек итәрмен.+ 10  Мин халкым Исраил өчен урын бүлеп бирермен, аларны шунда урнаштырырмын. Алар шунда яшәр һәм бүтән инде борчу-кайгы күрмәс. Явыз бәндәләр аларны моңарчы җәберләгән кебек җәберләмәс+ 11  һәм Исраил өстеннән хакимнәр+ куелган көннәрдәге кебек җәфаламас. Мин сиңа бар дошманнарыңнан тынычлык бирермен.+ Йәһвәнең сүзләре буенча, Йәһвә шулай ук сиңа йорт торгызыр.*+ 12  Гомерең ахыры җитеп,+ син ата-бабаларыңа кушылгач, мин синнән соң синең токымыңны* — улыңны патша итеп куярмын һәм аның патшалыгын нык урнаштырырмын.+ 13  Минем исемемә дан китерәчәк йортны ул төзиячәк,+ һәм мин аның патшалыгының тәхетен мәңгегә урнаштырырмын.+ 14  Мин аңа ата булырмын, ә ул минем улым булыр.+ Ул дөрес булмаганны кылса, мин аны кеше таягы белән һәм адәм* улларының чыбыгы белән төзәтермен.+ 15  Синең алдыңнан юк иткән Шаулны мин тугры мәхәббәтемнән аерган идем,+ ә улыңны тугры мәхәббәтемнән аермам. 16  Йортың һәм патшалыгың синең алдыңда мәңге торачак, тәхетең мәңгегә нык урнаштырылачак“».+ 17  Натан бу сүзләрне һәм бу күренешне тулысынча Давытка сөйләп бирде.+ 18  Шуннан соң Давыт патша Йәһвә хозурына килде дә, утырып, болай диде: «И Аллаһы Тәгалә Йәһвә, кем соң мин шул хәтле һәм минем йортым нәрсә ул? Син минем хакыма шулкадәр күп эшләр кылдың!+ 19  Әйтерсең лә бу аз, и Аллаһы Тәгалә Йәһвә. Өстәвенә, син үз хезмәтчең йортының ерак киләчәге турында да сөйлисең, һәм бу, и Аллаһы Тәгалә Йәһвә, бар кешеләр өчен күрсәтмә* булып тора. 20  И Аллаһы Тәгалә Йәһвә, син мине шулкадәр яхшы беләсең!+ Хезмәтчең Давыт сиңа тагын нәрсә дип әйтә алсын инде? 21  Үз сүзең хакына һәм үз күңелеңә ярашлы итеп* син барлык шушы бөек эшләрне башкардың һәм аларны хезмәтчеңә ачып бирдең.+ 22  Менә шуңа күрә син чыннан да бөек,+ и Аллаһы Тәгалә Йәһвә. Синдәй берәү дә юк,+ һәм синнән башка бүтән Аллаһы юк.+ Колакларыбыз ишеткәннең барысы да моны раслый. 23  Җир йөзендә халкың Исраил кебек халык бармы соң?!+ Син, Аллаһы, килеп, алар хакына бөек һәм курку-хөрмәт уята торган эшләр башкарып,+ исем казандың+ һәм аларны үз халкың итәр өчен йолып алдың.+ Мисырдан үзеңә йолып алган үз халкың хакына син халыкларны илаһлары белән бергә куып җибәрдең. 24  Син Исраилне дәверләргә үз халкың иттең.+ И Йәһвә, син аларның Аллаһысы булып киттең.+ 25  Һәм хәзер, и Йәһвә Аллаһы, хезмәтчең һәм аның йорты турында әйткән вәгъдәңне тормышка ашыр, һәм ул дәверләр буе гамәлдә калсын. Барысын үз вәгъдәң буенча эшләче.+ 26  Кешеләр: „Гаскәрләр Иясе Йәһвә — Исраилнең Аллаһысы“,— дисеннәр өчен, исемең мәңгегә югарылансын+ һәм хезмәтчең Давыт йорты синең алдыңда нык торсын иде.+ 27  Син, Исраил Аллаһысы, Гаскәрләр Иясе Йәһвә, үз хезмәтчеңә: „Мин синең өчен йорт* торгызырмын“,— диеп, үз ниятеңне ачканга,+ хезмәтчең сиңа шушы догада мөрәҗәгать итәргә батырчылык итте. 28  И Ходай Тәгалә Йәһвә, син хак Аллаһы. Синең сүзләрең хак,+ һәм син үз хезмәтчеңә барлык шушы яхшылыкны кылырга вәгъдә иттең. 29  Шуңа күрә хезмәтчеңнең йортын фатихалау күңелеңә хуш килсен иде һәм хезмәтчеңнең йорты синең алдыңда мәңге торсын иде,+ чөнки син, и Ходай Тәгалә Йәһвә, вәгъдә иттең, һәм хезмәтчеңнең йорты синең фатихаң белән мәңгегә фатихалансын иде».+

Искәрмәләр

Яки «династия торгызыр».
Сүзгә-сүз «орлыгыңны».
Я, бәлки, «Адәм».
Яки «канун».
Яки «үз ихтыярың буенча».
Яки «династия».

Искәрмәләр

Медиаматериал