Беренче көринтлеләргә 16:1—24

16  Изгеләр өчен акча җыюга килгәндә,+ Гәлә́тиядәге җыелышларга биргән күрсәтмәм буенча эш итсәгез була.  Мин яныгызга килгәч, сез акча җыеп йөрмәсен өчен, һәр атнаның беренче көнендә һәрберегез, үз хәленә карап, акчаның бер өлешен аерып куйсын.  Ә килгәч, шул юмарт бүләгегезне тапшырыр өчен, сез хатларыгызда хуплаган кешеләрне+ Иерусалимга җибәрермен.  Ләкин миңа да анда барырга кирәк булса, алар минем белән бергә барыр.  Мин Македо́ния аша үтәргә җыенам, шуңа күрә Македо́ния аша үткәндә сезгә кереп чыгармын+  һәм, бәлки, сездә тукталырмын яки хәтта кышны да сездә үткәрермен, һәм шулай итеп сез, миңа ярдәм күрсәтеп, мин барачак җиргә мине бераз озата барыр идегез.  Чөнки сезнең белән узышлый гына очрашасым килми, әмма, Йәһвә* рөхсәт итсә, сездә берникадәр вакытка тукталырга өметләнәм.+  Ә Эфестә+ Илленче көн бәйрәменә кадәр калырмын,  чөнки минем алда хезмәт итәргә мөмкинлек бирүче зур ишек ачылды,+ шулай да дошманнар күп. 10  Әмма Тимути́+ килсә, арагызда хәвефләнеп йөрмәсен өчен, аның белән хезмәттәшлек итегез, ул да бит, минем кебек, Йәһвә* эшләрен башкара.+ 11  Шуңа күрә һичкем дә аңа түбәнсетеп карамасын. Ул минем янга исән-сау гына килеп җитсен өчен, аны бераз озата барыгыз, чөнки без кардәшләр белән аны көтәбез. 12  Ә кардәшебез Аполло́с+ турында әйткәндә, мин аңардан кардәшләр белән бергә яныгызга баруын бик нык үтенгән идем, әмма аның әлегә яныгызга барасы килми. Ләкин моңа мөмкинлек тугач барыр. 13  Уяу булыгыз,+ иманда нык торыгыз,+ батыр булыгыз,+ ныгыгыз.+ 14  Һәрнәрсәне мәхәббәт белән башкарыгыз.+ 15  Сез белгәнчә, Стифәнәснең өендәгеләре Аха́яның беренче җимешләре булдылар һәм үзләрен изгеләргә хезмәт итүгә багышладылар. Шуңа күрә сездән үтенәм: 16  сез дә андый кешеләргә, һәр хезмәттәшегезгә һәм тырышып эшләүчегә күндәм булыгыз.+ 17  Стифәнә́с,+ Фәртүнә́т һәм Әхә́ик минем янымда, шуңа күрә мин шатмын, чөнки алар сез монда булмаганга миңа күрсәтә алмаган ярдәмне күрсәтте. 18  Алар минем һәм сезнең рухыгызны яңартып җибәрделәр. Шуңа күрә андый кешеләрне кадерләгез. 19  Сезне А́сиядәге җыелышлар сәламли. Әки́л белән Прискә́, шулай ук аларның өйләрендә җыела торган җыелыш+ сезгә үзләренең кайнар мәсихче сәламнәрен тапшыра. 20  Сезне бар кардәшләр сәламли. Бер-берегезне саф күңел белән үбеп сәламләгез. 21  Шушы сәламләү сүзләрне мин, Пау́л, үз кулым белән язам. 22  Берәрсе Хуҗаны яратмаса, аңа ләгънәт төшсен. И Хуҗабыз, кил! 23  Сезгә Хуҗабыз Гайсә Мәсихнең юмарт игелеге күрсәтелсен. 24  Минем мәхәббәтем сезнең барыгыз белән, Мәсих Гайсә белән бердәмлектә торучылар белән булсын.

Искәрмәләр

Искәрмәләр

Медиаматериал